Politike

Meta: Më 8 dhjetor do të zbres në shesh e s’lëviz që aty, sapo të bind popullin për referendumin do largohem nga politika

Presidenti Ilir Meta i ka bërë sërish thirrje popullit për referendum. Meta tha se tani populli duhet të marrë fatet e tij në dorë dhe të mos i besojë dele-deputetëve. Kreu i Shtetit u shpreh së në 8 dhjetor do të jetë në shesh, ku do jap detaje për referendumet dhe nuk do shkoj më në zyrë pa bindur qytetarët. Nëse i bind ai do largohet nga politika dhe do ushtrojë sportin e rafting në Skrapar. Presidenti tha se nuk ka më kohë për dialog, por është koha e referendumit.
Featured image of article: Meta: Më 8 dhjetor do të zbres në shesh e s’lëviz që aty, sapo të bind popullin për referendumin do largohem nga politika Ilir Meta, President i Shqipërisë

TIRANË– Presidenti i Republikës së Shqipërisë, Ilir Meta i ka bërë thirrje popullit që t’i bashkohet mitingut të 8 dhjetorit që do të zhvillohet në sheshin “Demokracia” për rikthimin e të drejtës për referendum. 

Pas një takimi me Këshillin e Ambasadorëve Shqiptarë, të cilët i informoi për situatën politike në vend. Besnik Mustafai i pranishëm në takim tregoi detaje nga biseda dhe tha se Presidenti i kishte njohur me informacione konfidenciale. 

Pasi përcolli ish-ambasadorët, Kreu i Shtetit doli në një konferencë për shtyp dhe iu drejtua shqiptarëve që të merrnin në dorë fatin e tyre. Sipas tij, klasa politike e kishte tradhëtuar popullin duke mos i dhënë të drejtë vendimmarrjeje për asnjë çështje të rëndësishme. 

Meta u shpreh se rikthimi i referendumit ishte sfida e tij dhe pas arritjes së saj do të largohej nga politika, Tirana por jo nga Shqipëria. Me nota humori, Meta tha se do të zhvendosej në vendlindjen e tij në Skrapar, ku edhe do të merrej me sportin e rafting.

I pyetur nga gazetarët e pranishëm, Kreu i Shtetit komentoi edhe shtimin e akuzave të PS-së për shkelje në procesin e plotësimit të vakancave të Gjykatës Kushtetuese me emërimin e Marsida Xheferllarit. Meta nuk dha asnjë përgjigje të drejtpërdrejtë për akzuat duke theksuar edhe njëherë se nuk merret më me ata që i quajti “dele-deputetë”, por është tejet i fokusuar tek sovani. 

Për më shumë bëhu pjesë e grupit më viral në Facebook, Dosja.al

Në fund të deklaratës së tij, Meta u bëri thirrje të shqiptarëve të mblidhen në shesh për të bërë një dhjetor të dytë, duke iu kërkuar që të marrin me vete vetëm flamuj shqiptarë e të harrojnë ndasitë politikë për të nxjerrë vendin nga dëshpërimi. Po ashtu pati një përgjigje dhe për Pandeli Majkon, të cilit i tha se nuk ka më kohë për dialog, por është koha për referendum. 

Ditët e fundit, Meta ka zhvilluar takime me aktorë të ndryshëm politikë dhe jo politikë për të diskutuar për krizën që po kalon vendi. Pak ditë më parë, Meta priti në zyrën drejtuesit e opozitës jashtë parlamentare dhe në një takim tjetër ish-presidentin Rexhep Mejdani, ish-Kryeministrin, Sali Berisha, Bujar Nishanit dhe Bamir Topin.

Presidenti Ilir Meta prej shumë javësh është shprehur se do të ndërmarrë një nismë për mbrojtjen e Kushtetutës. Presidenti ka bërë thirrje që Kushtetuta të mos shkelet dhe Reforma në Drejtësi të respektohet siç është shkruar së bashku me Komisionin e Venecias. Meta në një reagim të mëhershëm ka thënë se është dita e referendumit të tradhëtuar dhe duhet një referendum të ri. Debati për Kushtetutën dhe respektimin e saj ka lindur muaj më parë, kur nisën dhe ngritjet institucioneve të reja të drejtësisë, të cilat kanë sjellë dhe përplasje politike.

(k.m/dosja.al)

  • 19:36

    Meta i përgjigjet Majkos: Thirrje për dialog? Po çfarë kam bërë prej dy vitesh?

    Presidenti llir Meta i është përgjigjur Ministrit të Diasporës, Pandeli Majko, i cili tha se Kreu i Shtetit duhet të kishte bërë më shumë thirrje për dialog. Në një konfernëcë për mediat pas një takimi me Këshillin e Ambasadorëve, Meta tha se ai prej dy vitesh po bën thirrje për dialog, por palët nuk e kanë dëgjuar dhe tashmë është koha për referendum.

    Thirrje për dialog? Po çfarë kam bërë prej dy vitesh? Zgjidhja është vetëm referendumi, nuk ka zgjidhje tjetër në Shqipëri. Mos mbani shpresat tek askush, vetëm te referendumi dhe te vota juaj, çdo gjë tjetër është të shikoni si vendi bie gjithnjë e më tepër drejt dëshpërimit e greminës”, ishte kjo një pjesë e deklaratës nga Presidenti.

    Pandeli Majko më herët ka dhënë një deklaratë sot ku tha se nuk është koha për tubime të udhëhequra nga Presidenti, por është koha për të ulur palët në dialog. “Nuk e kuptoj të dalë presidenti nëpër Shqipëri dhe të bëjë miting. Nuk di të ekzistojë ky precedent në vende të tjera perëndimore ku ne aspirojmë”, ka qenë kjo deklarata e Majkos të cilës iu përgjigj Meta.
  • 19:24

    PS shton akuzat, Meta ironi: Nuk kam punë me dele-deputët

    Presidenti Ilir Meta i është përgjigjur me ironi kërkesës së 56 deptuetëve socialistë, të cilët i kanë kërkuar kreut të Kuvendit zgjatjen e afateve të Komisionit Hetimor për shkeljet e Kushtetutës nga Presidenti. Në një konferencë për mediat, Meta tha se nuk ka punë me dele-deputetët, por tani ka punë  vetëm me popullin.

    Presidenti ka këtë qëndrim që ua bëri të ditur këtu. Me dele-deputetët unë nuk merrem madje i kam respektuar edhe shumë, presidenti ka punë tani vetëm me popullin shqiptar. Ju pres vetëm me flamuj shqiptar”, u shpreh Meta.

    Deputetët e Partisë Socialiste me anë të një kërkese i kanë kërkuar Gramoz Ruçit zgjatjen e afatit të komisionit hetimor dhe një ndër shkeljet e Kushtetutës të bëra nga Presidenti të jetë dhe dekretimi i Marsida Xhaferllarit si anëtare e Gjykatës Kushtetuese.

  • 19:24

    Meta flet për largimin nga politika: Sapo të bind popullin për referendumin...

    Presidenti Ilir Meta nga një konferencë për mediat ka bërë me dije se ai do të kërkojë referendume për shumë çështje. Më tej ai tha se sapo të arrij të bind popullin për referendumit do të largohet nga politika dhe nga Tirana. 

    “Ta zgjidhi populli shqiptar, ka gjë me transparente këtu. Duam t’i heqim presidentit kombetencat, patjetër e vendos populli. Ja kjo është shumë e thjeshtë, pse është kaq e vështirë. Duan njerëzit të shkatërrohet Vjosa? Të bëhet referendum. Për gjithçka që gjykohet. Është bllokuar qëllimisht që popullit të mos zgjedhë. Dialog s’ka, asgjë nuk ka. Populli ka vetëm një detyrë: Të mos ikë nga sytë këmbët. Unë e shoh si sfidë. Sapo ta bëj do të iki nga politika, nga Tirana. Do iki t’ju pres për rafting andej”, u shpreh Meta.

  • 19:24

    Meta thirrje shqiptarëve: Me këtë klasë politike jeni të pashpresë, më 8 dhjetor shihemi tek sheshi “Demokracia”

    Kreu i shtetit Ilir Meta në një konferencë për shtyp ka deklaruar se më 8 dhjetor do të zbresë në sheshin “Demokracia” për të rikthyer të drejtën kushtetuese për referendum.  Në fjalën e tij Meta, e ka krahasuar datën 8 dhjetor si një lëvizje të ngjashme me atë të 30 viteve duke u shprehur se shqiptarët duhet të marrin në dorën fatin e tyre. Gjithashtu kreu i shtetit u shpreh se kjo është rruga e vetme që shqiptarët të qëndrojnë në vendin e tyre, pasi klasa politike i ka braktisur.  

    “Në 8 dhjetor në orën 12:00 të gjithë në shesh. Në 8 dhjetor fillon një lëvizje e re dhe nuk do të përfundojë deri sa të arrij atë që i ka dhënë vetes me Kushtetutën e Shqipërisë. Nga sot Presidenti është palë me popullin dhe me referendumin. Duhet të jenë partitë nën urdhrat e popullit dhe jo e kundërta. Në datën 8 dhjetor do të jap një ide më të qartë, do jetë një platformë shumë e qartë. Shqipëria duhet dhe do të hyjë patjetër në epokën e referendumit, kjo klasë politike ka dështuar ka larguar vendin nga Evropa,“-tha ndër të tjera Meta.

    PJESË NGA FJALA E METËS: 

    “Populli shqiptar në Kushtetutën që ka miratuar me referendum ka vendosur referendumin në nenin 150. Si president i Republikës kam vendosur pas shumë përpjekjeve për të dialoguar dhe pas gjithë kësaj historie kukafshehti kam vendosur të zbres në shesh dhe nuk do të iki derisa t’i kthejmë popullit shqiptar referendumin. Dua t’i them të gjithë shqiptarëve që me këtë klasë politikë jeni të pashpresë. Ushtroni demokracinë direkte. Përndryshe këtu nuk do të ketë më shqiptarë. Kjo është e vetmja rrugë transparente që pas disa vitesh mos ia ndërrojmë emrin siç ia ndërruan stadiumi Qemal Stafa. Ne pamë që klasa politike në vend që të piqej ka një degradim total. Në Shqipëri ka vetëm komandime, kjo gjë duhet të marrë fund. Pra në 8 dhjetor në orën 12:00 të gjithë në shesh. Në 8 dhjetor fillon një lëvizje e re dhe nuk do të përfundojë deri sa të arrij atë që i ka dhënë vetes me Kushtetutën e Shqipërisë. Nga sot Presidenti është palë me popullin dhe me referendumin. Duhet të jenë partitë nën urdhrat e popullit dhe jo e kundërta. Në datën 8 dhjetor do të jap një ide më të qartë, do jetë një platformë shumë e qartë. Shqipëria duhet dhe do të hyjë patjetër në epokën e referendumit, kjo klasë politike ka dështuar ka larguar vendin nga Evropa. Populli e ka vendosur vet të drejtën e referendumit, kjo gjë do të bëhet nga zëri i njerëzve anë e mbanë vendin. Shikoni deleparlamentin, me këtë dele parlament do të ecë Shqipëria para? Shqipëria po shkon tatëpjetë dhe ne do e ndalim këtë. Duhet të ndajmë çështjet që do hidhen me referendum. Partitë dështuan. Nuk vazhdohet më kështu. Është dorëzuar gjithë sistemi llogaridhënës. Shqipëria po shkon tatpjetë dhe këtë mund ta zgjidhë vetëm populli. Bëhet fjalë që Shqipëria të qeveriset nga vetë shqiptarët për çdo gjë që çmohet e rëndësishme.”

Shto Koment