LIVE UPDATES
Insights

Nga Aristoteli te Lali Eri?

14 Shkurt 2022, 08:39 Nga DOSJA
Nga Aristoteli te Lali Eri?

Në Tiranë. Rruga “Mine Peza”. Pingul me të rruga “Kongresi i Tiranës” dhe sheshi para shkollës “Hasan Vogli”. Një pallat i verdhë me një akacie të lartë dhe katër kazanë plehrash buzë një hapësire prej vitesh të pazënë. Mirëpo, ja, prej disa ditësh një tip ekskavatori filloi ta sheshonte, ta nivelonte, ta qëronte atë. Pyes një, dy, tre banorës të zonës dhe nga të tre marr të njëjtën përgjigje: “Këtu do të bëjnë një parking”. Dhe menjëherë e mblodha mendjen sepse m’u kujtua një filozof grek i shekullit IV para erës së re (ose, ndryshe, para Jezu Krishtit).

Një filozof me emrin Aristotel, që mbronte tezën sipas së cilës Natyra e ka tmerr boshllëkun ! Tezë që shkenca e ka hedhur poshtë prej kohësh. Megjithatë, këtë tezë e ka përqafuar, mbështetur dhe po e zbaton fuqishëm (kurrsesi pa rrokjen e parë kjo fjalë!) Erion Veliaj, kryetari (me “t” kjo fjalë, kurrsesi me “k” në vend të saj!) i Bashkisë së Tiranës dhe kanakari i përjetshëm i kryeministrit Rama po aq të përjetshëm.

Me siguri që lali Eri – siç i pëlqen atij ta thërrasë brezi i ri i kryeqytetit shqiptar – do t’i ketë studiuar veprat e Aristotelit, madje, atij duhet t’i ngjajë vetja si mëma Natyrë ngaqë vërtet nuk po lë asnjë hapësirë të lirë, d.m.th. bosh, në çifligun e tij, pra, në qytetin e Tiranës! Kudo po ndërtohen kulla, kulla pa mbarim, parkingje, parkingje pa mbarim, aq sa jam kureshtar të mësoj cila nga veprat e Aristotelit ia ka shtënë në mendje dhe ndezur në shpirt lali Erit urrejtjen patologjike për boshllëkun.

Mirëpo, nga ana tjetër, lali Eri aristotelian ka shkuar më larg se frymëzuesi i tij grek! “Si kështu?” – mund të habiten shumë nga lexueset e lexuesit tejet kureshtarë të këtij shkrimi – Si është e mundur?”. Ja, pra, që qenka e mundur: Aristoteliani ynë kombëtar ka shkuar edhe më larg se vetë mëma Natyrë: Ai po krijon boshllëqe që t’i mbushë po vetë ai! Po, po, a nuk krijoi ai boshllëkun e quajtur “parking” nën sheshin “Skënderbe” për ta mbushur me makina? Shkencëtarët e sotëm duhet t’i heqin atij – në shenjë nderimi të pafund – kapelet, maskat antikovid, madje edhe prezervativat anti-aids!

Kjo logjikë postaristoteliane ka funksionuar para disa vitesh diku pranë rrugës “Mine Peza” te një treg fshatar ku bashkia investoi për modernizimin e tij me banakë, me strehë dhe madje me dy ËC portative të reja, por që nuk funksionuan kurrë, sepse u hoqën nga vetë bashkia për t’u zëvendësuar me dy ËC të vjetra, të cilat, edhe ato, u hoqën po nga vetë Bashkia, mandej, më vonë, u hoqën edhe banakët, edhe strehët, kështu që sot aty shtrihet vetëm një hapësirë betoni ku, sipas disa gjuhëve hidhësisht profetike, ka mundësi të ndërtohet ndonjë kullë! Ja, pra, se si lali Eri, aristoteliani ynë kombëtar, krijon boshllëqe, të cilat i mbush po vetë në mënyrë që mëma Natyra të mos lodhet, rraskapitet e plaket para kohe duke i mbushur vetë ato!

Kjo logjikë postaristoteliane vlejti edhe për Astirin, vlen edhe për lagjen “5 Maji”: Atje gjithashtu u shembën ose po shemben shtëpi për të krijuar një boshllëk që u mbush ose do të mbushet po me shtëpi! Nuk e di pse pardje pata një si frikë që tek hapësira ngjitur me rrugën “Kongresi i Tiranës”, të cilën e përmenda në krye të këtij shkrimi, parkingu i projektuar për t’u ndërtuar mund të transformohej në pallat shumëkatësh, por isha gabuar: Dje vura re se hapësira në fjalë ishte mbathur me dhe, sipër të cilit po hidhej e nivelohej një shtresë e trashë çaklli!

Prandaj, të nderuara lexuese dhe zotërinj të nderuar, bëni çmos që t’u largoheni hapësirave boshe, sepse ato ndodhen në një situatë kritike: atje ose do të ndërtohen kulla shumëkatëshe që t’ju pengojnë të shijoni dritën e diellit, ose do të shtrihen parkingje ku orë e çast makinat do të vjellin ose më saktë (ndjesë veshëve tuaj të moralshëm!) do të pjerdhin gazra aq të dëmshme për shëndetin tuaj dhe atë të fëmijëve tuaj!

Së fundi, por jo më së paku, duhet t’ju paralajmëroj edhe për një rrezik tjetër, të cilin e ka parandier këtu e shumë vite më parë shkrimtari i mirënjohur Fatos Kongoli në njërin prej romaneve të tij të realistë deri në dhimbje, kur vë në gojën e njërit prej personazheve këto fjalë: “Ruhuni nga piedestalët e zbrazët, se ka nga ata që do të vërsulen të hipin atje me çdo kusht!”. Sigurisht, pak rëndësi ka nëse mëma Natyrë i ka apo nuk i ka tmerr piedestalët e zbrazët, fakti është se Erion Veliaj, lali Eri aristotelian, po ndërton prej vitesh një piedestal tmerrësisht të zbrazët, të cilin do të kërkojë ta mbushë vetëm me praninë e tij të zbrazët e hijelehtë, aq më tepër që po qarkullojnë zëra, sipas të cilëve kryeministri Rama po e përgatit atë si kryeqeveritar të ardhshëm! Po, po, si i kryeqeveritar… (me “t” kjo fjalë, kurrsesi me “k” në vend të saj!). Marrë nga Panorama

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

blog blog aristoteli edmond tupja erion veliaj lali eri aristoteli edmond tupja erion veliaj lali eri

Sondazh

Poll

Insights 11 Shkurt 2022, 11:10

In Memoriam Kadrie Kadare

Nga Ilir NikollaKadrie Kadare, një intelektuale që arriti gjithçka duke refuzuar ndihmën e mbiemritAjo që të gjithë në mjediset e inteligjencies së Tiran...

Insights 8 Shkurt 2022, 19:20

Një fantazmë blen Portin e Durrësit

Nga Klodian TomorriTIRANË– Një javë më parë në sportelet e Qendrës Kombëtare të Biznesit mbërriti një aplikim. Dërguesi ishte Symphony Invest Limited...

“Më hodhe në ujë”, policia e gjobiti dhe i bllokoi skafin, momenti kur efektivët rrisin shpejtësinë

“Më hodhe në ujë”, policia e gjobiti dhe i bllokoi skafin, momenti kur efektivët rrisin shpejtësinë

Fluksi në pikat e kalimit kufitar, reagon Policia: Rreth 90 mijë shtetas hynë në vend gjatë 24 orëve

MEGAAKSIONI! Policia operacion antidrogë në Shkodër, Lezhë, Kukës, Krujë, Gjirokastër dhe Dibër

Kakavijë/ Radhë kilometrike për të hyrë në Shqipëri

'O Like, dua t'ja fus njërit, ndihmoje vëllain'/ Gjergj Luca përfshihet në përplasjen PS-PL

Kakavijë/ Radhë kilometrike për të hyrë në Shqipëri, shkak mungesa e sporteleve në palën greke

Aksidentohet traileri me grurë, drithi derdhet në “Tiranë-Durrës”

Meta paralajmëroi qeveri teknike, Berisha zbulon çfarë do ndodhë: Duhen referendumet

Zgjedhjet lokale, Berisha: Do kemi siglën tonë, Rama e ka humbur pak, e di ai se...

Breshëri dhe stuhia bllokuan rrugët e Tiranës, zonat më problematike

Stuhi në Tiranë, shi i rrëmbyer, nis edhe breshëri

"Lustracioni" i Ramës, Berisha: Ai e ankimoi në GJK në 2008, u rrëzua në mënyrë të padrejtë

Stuhi në Tiranë, shi i rrëmbyer, nis edhe breshëri

Në zgjedhjet lokale me61 kandidatë apo do ndahen zonat me Partinë e Lirisë? Ja si përgjigjet Berisha

Aksi Qukës-Qafe Pllocë, Berisha: Ka kaluar çdo afat kohor

DËSHTOI PLANI! Tentoi të arratisej në Greqi, arrestohet autori i vrasjes së Luan Hushit

Sekuestrohen 3 mina me telekomandë në Korçë, vihet në pranga 35-vjeçari nga Lezha

E frikshme në Vlorë, burri gjuan me kallash në prani të fëmijëve pas sherrit me gruan

U plagos për disa ullinj, vdes 55-vjeçari tek Trauma, nuk i mbijetoi dot plumbave

Policia aksion në call Centre

Zjarr në Berat, rrufeja godet shtyllën e tensionit, banorët mbeten pa energji elektrike

I këputi varësen nga qafa qytetares në Golem, arrestohet gjysmë i zhveshur 30-vjeçari

Zjarr në qendren e përpunimit të plehrave në Gjirokastër, policia nuk lejon gazetarët: Mos filmoni

Bllokimi i mjeteve lundruese pas tragjedisë në Himarë, protestë para Policisë së Shtetit

Inceneratorët, PL paraqet fakte të reja: Qeveria ka lënë peng në banka pronat publike

Banda e “skifterëve” i vë armën në kokë 23-vjeçarit për t’i grabitur paratë dhe biçikletën

Zjarr në“Malin e Bardhë”,banorët nisin aksionin para zjarrfikësve,shuajnë flakët me mjete rrethanore

Digjen pyjet në Mat! Aktivizohet një tjetër vatër zjarri, në Ulëz dhe Baz

Rreth 1 ton drogë në tre skafe, ja SKEMA që përdorën trafikantët për të 'mashtruar' radarët

Megaoperacioni antidrogë në Vlorë, policia jep detaje: U kap në ujërat italiane, kapëm 992kg kanabis

Turizmi në Shqipëri, Berisha konferencë urgjente: Kam 2 propozime, fokus tek transporti

E RËNDË! Përplasen dy makina pranë Kallmetit, 7 të plagosur, mes tyre dhe fëmijë

Tragjedia e Himarës, Policia aksion në bregdet, në 'shënjestër' dhjetëra 'Jet ski', gomone dhe skafe

Përfshihet nga flakët “Golfi” tek “Zogu i Zi”, shkak problemet teknike

Kulla e vrojtimit bosh...në Potam mungon roja bregdetare, pushuesit në mëshirë të fatit

Dita e tretë e protestave në Vlorë/ Pronarët e skafeve dhe gomoneve: Na lini të lundrojmë

8 kg kanabis, në makinë iu gjet edhe një kallashnikov! Arrestohen 3 të rinj në Tropojë

Bllokohen dy turistë gjermanë në Tropojë, përfundojnë në spital

Aktivizohet një vatër zjarri në Sarandë, digjet ullishtja

Sali Berisha: Ilir Meta është opozitar i vërtetë, do të bashkërendojmë aksionin

Çuçi pranon shoqatën e velierave: E kam krijuar me miq pasionantë, s'kam biznes

Bosh plazhi i Livadhit në Himarë, sezoni i verës dështim në Shqipëri

PARALAJMËRIMI/ Berisha-Ramës: Bëj ç’të duash, e ke kohën e numëruar!

Afera e Portit të Durrësit/ Berisha: Mos bini pre, mos blini apartamente

Tragjedia në Himarë/ Berisha: Janë zhdukur kamerat që kanë filmuar skenën e aksidentit

Meta: Do vendosë sovrani, do shikoni pastaj politikanët do bëjnë më si të fortë?

Meta i bën premtimin Ramës: Do përfundosh nën këmbët e popullit të lirisë!

Meta i del në krah Berishës: PD është një dhe vetëm një, koha e përgjumjes ka mbaruar

Begaj s'ka reaguar për tragjedinë e Himarës/ Meta: Nuk është etike ta komentoj, Çuçi të ketë turp

Ilir Meta: Iniciative ligjore në Kuvend për të garantuar indeksimin e pagave