Politike

Presidenti/ 8 emrat e PD! Alibeaj: S’flasim me Berishën, po s'na pranoi PS, tërhiqemi nga procesi

8 emra u propozuan nga Partia Demokratike si kandidatë të mundshëm për President të vendit. Opozita, do të prezantojë 4 emra, 2 nga grupi i Enkelejd Alibeaj dhe 2 të tjera nga Fatmir Mediu (grupi Aleanca për Ndryshim) dhe Mesila Doda (grupi për Demokraci dhe Integrim).

19 Maj 2022, 09:41 Nga DOSJA
Presidenti/ 8 emrat e PD! Alibeaj: S’flasim me Berishën, po s'na
Leonard Demi, Halim Kosova, Princ Leka, Visar Zhiti

TIRANË- Emrat e parë për president kanë dalë nga selia e Partisë Demokratike. Në mbledhjen e sotme të grupit parlamentar të Partisë Demokratike, kanë propozuar 8 kandidatë të mundshëm: Leonard Demi, Arben Çejku, Dritan Demiraj, Visar Zhiti, Rexhep Uka, Halim Kosova, Dashamir Shehu dhe princi Leka Zogu. Pikërisht këto emra do të futen nesër në diskutim të thelluar për të dalë në vetëm Ishin deputetët e Partisë Demokratike, të cilët morën pjesë ditën e sotme në mbledhjen e grupit parlamentar, që ranë dakord për këtë listë, e cila do t'i paraqitet maxhorancës.

Në nisje të mbledhjes, Alibeaj prezantoi para 26 deputetëve hapat e kërkuar për procesin e zgjedhjes së Presidentit. Opozita, do të prezantojë 4 emra, 2 nga grupi i Enkelejd Alibeaj dhe 2 të tjera nga Fatmir Mediu (grupi Aleanca për Ndryshim) dhe Mesila Doda (grupi për Demokraci dhe Integrim). Më pas, nga 4 emrat, socialistët duhet që të zgjedhin 2 prej tyre, si personalitetet më të përarfëta me kreun e shtetit. E në momentin që palët do të bien dakord, do të krijohet një grup i përbashkët prej 6 anëtarësh  në përbërje të së cilit do të jenë nga PS dhe PD, për të dalë në vetëm një kandidat me firma të përbashkëta

HAPAT:

1. Grupi i PD zgjedh 4 kandidatë

2. Pala tjetër (aleatët) përzgjedhin 2 kandidatë

3. Ngrihet një grup i përbashkët PD – PS me 6 anëtarë dhe zgjedh 1 kandidat

4. Kandidati propozohet me firma të përbashkëta PD-PS.

HAPAT:

1. Grupi i PD zgjedh 4 kandidate

2. Pala tjeter (aleatet) perzgjedhin 2 kandidate

3. Ngrihet nje grup i perbashket PD – PS me 6 anetare dhe zgjedh 1 kandidat

4. Kandidati propozohet me firma te perbashketa PD-PS.

Edhe pse gjatë mbledhjes së sotme, sekretari i Përgjithshëm i Partisë Demokratike, Gazment Bardhi kërkoi një bashkëpunim edhe me kolegët e tij te Rithemelimi, duke thënë se kandidatët për president duhet të jenë produkt i të gjithë deputetëve. Ervin Salianji nuk e ka parë si një proces pozitiv, duke u shprehur se kërkesa e Alibeajt për protagonizëm do të përçajë edhe më shumë PD.

Vetë Alibeaj, pas mbledhjes së Grupit Parlamentar të PD, Enkelejd Alibeaj tha se do të vijojë konsultimet me deputetet demokratë, ndërsa shtoi që do të marrë mendime edhe nga aleatët. I pyetur nëse do të konsultohet me Sali Berishën, ai theksoi se do të flasë vetëm me "anëtarët e Grupit Parlamentar".

Dje, si Partia Demokratike, ashtu edhe ajo Socialiste arritën dakordësinë që në dy raundet e ardhshme, të dytin dhe të tretin do të jetë opozita ajo që propozon kandidatët dhe më pas socialistët. Raundi i dytë për zgjedhjen e presidentit do të jetë në datë 23 maj ora 18:00. Raundi i parë dështoi pa asnjë emër konkret për presidentin e ri të Republikës së Shqipërisë. Por Kushtetuta e Shqipërisë parashikon që raundi konsiderohet efektiv edhe nëse nuk paraqitet asnjë kandidat. Pra edhe nëse oozita nuk merr pjesë në seancë ajo nuk e bllokon procesin. Pra edhe nëse sot nuk bëhet asnjë propozim dhe nesër në raundin e parë nuk ka asnjë emër kandidati, ai sërish do të jetë i vlefshëm si procedurë dhe do të mund të vijohet me raundin e dytë. Gjithsej janë parashikuar pesë raunde votimi. Në tre të parat nevojitet një shumicë prej tre të pestash, ndërsa në dy raundet e fundit presidenti zgjidhet me shumicë të thjeshtë.

(k.m/dosja.al)

Sondazh

Poll

MË SHUMË