Politike

VD-Berisha: Rama dhe Balla mashtrojnë, janë zuzarë. Vota e djeshme, më e egra ndaj një rezolute

Berisha deklaroi se ajo që ndodhi dje në Kuvend ishte vepër penale. 

13 Maj 2022, 12:11 Nga DOSJA
VD-Berisha: Rama dhe Balla mashtrojnë, janë zuzarë. Vota e
Sali Berisha

TIRANË- Ish-kryeministri Sali Berisha deklaroi ditën e sotme se votimi i djeshëm i projekt rezolutës kundër gjenocidit serb, ishte votimi më i egër që ka ndodhur ndonjëherë në vend. Gjatë konferencës së sotme me gazetarët, Berisha deklaroi se ajo që ndodhi dje në Kuvend ishte vepër penale. 

'Procedurën nuk e ka në dorë pakica po shumica. Rezoluta është dorëzuar nga Tritan Shehu, konform të gjitha rregullave. është refuzuar nga qeveria në Byronë Parlamentare, po rregulli e kërkon se nuk është qeveria ajo që e refuzon por parlamenti. Rama dhe Balla mashtrojnë, të kriminalizuar në çdo skaj kur thonë se nuk është votuar kundër rezolutës. Vota e djeshme ishte vota më e egër që mund të ishte bërë kundër një rezolute. Ata që përpiqen të mbulojnë qëndrimin e tyre të shëmtuar, mbrojtjen që i bënë gjenocidit dje janë vepër penale. Rama deklaroi dje se fajin e ka Saliu, duhet të jesh në stadin e primitivitetit që dhe një akt të tillë të ndërgjegjes individuale t'ia kalosh të tjerëve, pa asnjë diskutim se PD do të paraqesë dora dorës dhe gjithnjë politikën e saj të jashtme. Qëndrimi i Ramës dhe Ballës është zuzar, quhet qëndrimi kur nuk përfill ligj normë apo standart. Ndaj dhe dënoj qëndrimin e tyre të djeshëm. Ata që menduan se kjo rezolutë ishte një kurth, iu garantoj se nuk ishte e tillë. Unë prapë bëra thirrje që ta votonin. '- tha Berisha. 

(A.B)/Dosja.al

Sondazh

Poll

MË SHUMË