Politike

VD-PS rrëzoi rezolutën për Srebenicën, Berisha: Genocidet i ka dënuar dhe Serbia, Shqipëria, i vetmi vend që s’e bën

13 Maj 2022, 12:14 Nga DOSJA
VD-PS rrëzoi rezolutën për Srebenicën, Berisha: Genocidet i
Sali Berisha


TIRANË- Ish-kryeministri Sali Berisha ka dalë në një konferencë për mediat ku po flet për rrëzimin e rezolutës për dënimit e gjonocidit serb në Srebenicë. Sipas Berishës, kjo gjë tregon se vendi ynë refuzon të dënojë një masakër të tillë, ndërkohë që e ka bërë i gjithë rajoni e Evropa. Berisha shton se genocidet janë dënuar edhe nga vetë Serbia apo Mali i Zi që ka shumicë të konsiderueshme serbe, e se Shqipëria është vendi i vetëm që s’e ka bërë një gjë të tillë.

“Mbi bazën e vendimit të këtyre gjykatave, vendet e lira në tërësi kanë kaluar në parlament rezolutat në të cilën dënojnë genocidin, si akti më barbar pas luftës së dytë në Evropë, e ka bërë parlamenti evropian, parlamentet e tjera të vendeve të tjera të Evropës, në nderin e tij e ka bërë edhe Mali i Zi, aty ku jeton një shumicë e konsiderueshme serbe. Për hir të së vërtetës, jo si genocide por si masakër, në vitin 2019 e ka dënuar edhe vetë Parlamenti i Serbisë. Shqipëria ishte vendi i vetëm që nuk ka dënuar asnjë nga genocidet që kanë ndodhur. Shqipëria jo që nuk dënoi, por shkalla e lartë e kriminalizimit të pseudomaxhorancës së sotme bëri që Shqipëria të refuzojë një rezolutë për dënimin e genocidit në Bosnje,”- tha Berisha.

Një ditë më parë, me votat e Partisë Socialiste u rrëzua rezoluta për dënimin e genicidit serb në Srebenicë në Kuvendin e Shqipërisë. Kjo gjë solli debate të forta në parlament mes Berishës e kreut të grupit parlamentar të Partisë Socialiste, Taulant Balla. Ky i fundit e akuzoi ish-kryeministrin si ndihmës i kësaj masakre, pasi ka furnizuar serbët me naftë dhe u ka mundësuar vijimin e masakrës.

(F.m/dosja.al)

Sondazh

Poll

MË SHUMË