Aktualitet

Pas 23-vitesh, Ish e trafikuara takon për herë të parë të bijën që solli në jetë me tutorin në dhomën e një hoteli

13 Nëntor 2020, 17:32 Nga DOSJA
Pas 23-vitesh, Ish e trafikuara takon për herë të parë

TIRANË– Pasditen e sotme, pas 23-viteve nëna dhe vajza e saj takohen për herë të parë pas rrëmbimit nga tutori.
Bora, një ish e trafikuar, mbeti shtatzanë me tutorin e saj, por ky i fundit ia rrëmbeu nga duart pasi foshnja u lind në dhomën e një hoteli në qytetin e Durrësit. Gjatë një viti kërkimesh, stafi i gazetarëve të emisionit “Pa Gjurmë” arriti në gjurmët e vajzës, e cila takoi për herë të parë nënën e saj live.

Një vit më parë stafi i emisionit “Pa Gjurmë” mësoi se vajza ishte rritur nga halla e saj, por që më tej nuk dihej se ku përfundoi vajza, ku vështirësoi edhe punën e kërkimeve. Por, më pas ata janë kontaktuar nga një vajzë 23-vjecare e birësuar, e cila ka treguar versionin e saj, sesi zbuloi 10 vite më parë se ishte një vajzë e birësuar, duke treguar edhe disa të dhëna, që e dërguan tek personi me inicialet A. Gj, për të cilin thotë se është babai i saj biologjik, i njëjti person që pasi e trafikoi, e la edhe shtatzënë 42-vjecaren.

‘Unë jam Morena nga veriu i Shqipërisë. Arsyet pse jam këtu dihet. Dyshimet e mia se jam një fëmijë i birësuar lindën 10 vite më parë, por në pamundësi absolute për të pasur informacion, heshta. Deri kur u dha emisionin juaj, për fatin tim të mirë dhe fatmirësisht edhe ju nuk keni reshtur së kërkuari, dëgjova një detaj, që vajzës i është prerë kërthiza vetë. Ky fakt përkon me mua, pasi dhe kërthiza ime është ndryshe nga e njerëzve të tjerë, ky është detaji i parë kryesor. Dyshoja për të vërtetën pavarësisht që prindërit e mi birësues nuk ma kanë treguar. Një mik i imi i cili kishte parë emisioni dhe që është hetues, kuptoi një të vërtetë. Kur pyeta nënën dhe i kërkova një foto kur isha e vogël, por ajo nuk e kishte. Më në fund nëna birësuese e pranoi realitetin se më kishte marr nga jetimorja e Durrësit, gjë që u lidh me historinë në fjalë’, rrëfen 23-vjecarja
23-vjecare zbulon një tjetër detaj të rëndësishëm për babain birësues, c’ka e lidh fort me ngjarje të ngjashme, me ato të gruas për të cilën Morena pretendon se është nëna e saj biologjike. Morena ka zbuluar se babai i saj birësuar ka një miqësi të vjetër me babain e saj biologjik me inicialet A.Gj, madje se mbase të dy ishin pjesë e një rrjeti prostitucioni që operonte në Itali.
‘Babai birësues më ndihmoi me disa informacione që për hir të së vërtetës janë shumë tronditëse dhe nuk do doja t’i bëja publike. Pasi vërtetë unë jam në hall, por nuk dua që halli të më mposhtë arsyen. Nja fakt tjetër që më con në provë është se edhe nëna ime birësuese, mund të kishte patur të njëjtin fat me nënën biologjike, po të mos kishte e qenë gjyshi. Personat në fjalë bashkë me babain birësuese me inicialet Gj.Gj dërguan nënën drejt Vlorës, për ta trafikuar por nuk ia dolën. Unë i ngjaj gjyshes sime. I kam takuar të gjithë edhe babain biologjik edhe vëllezërit e tij. Fakti i miqësisë së vjetër mes babait birësues dhe atij biologjik më bëjnë të besoj se Bora është nëna ime biologjike. Unë e kam takuar babain biologjik. Ai gjithnjë më thoshte hajde tek xhaxhi. Emrin e atij personi e dëgjoja më shumë se cdo njeri tjetër dhe thoja kush është ky njeri. Unë kam patur një emër tjetër deri në moshën 3 vjecare, pastaj ma ndryshuan për shkak të rrethanave. Familjarët e personit A.Gj i kam njohur të gjithë. Kam patur kontakt. Ata më kanë thënë se jam mbesa e tyre. I pyeta se ishin ata që më kishin dhënë tek kjo familje. Ata e pohuan, madje se deri në moshën 3 vjecare ata vinin më vizitonin në jetimore. Madje një nga 3 vëllezërit e babait ka ardhur në shtëpinë time në vitin 2003, me motor gri. Babai im biologjik ka investuar shumë për mua deri së fundmi. Edhe për shkollën time bashkë me tre vëllezërit e tij. Kemi shumë gjëra për të biseduar. Familja birësuese i përket besimit katolik, por kurrë nuk e kam ndjerë vetën tek ai besim, doja të kthehesha në myslimane, mesa duket paska qenë gen. Unë shkoja gjithnjë në xhami dhe përqafoja Kuranin duke u lutur që të gjeja nënën biologjike”- ka rrëfyer 23-vjecarja.

(s.s/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet pas 23 vitesh takohet me te bijen pas 23 vitesh takohet me te bijen

Sondazh

Poll

Aktualitet 13 Nëntor 2020, 17:24

TIRANË– Miratohet projektbuxheti për vitin 2021. Komisioni i Ekonomisë miratoi sot projektbuxhetin e vitit 2021, duke bërë dhe disa ndryshime. Depute...

MË SHUMË