Sport

Vedat Muriqi prezantohet zyrtarisht te Lacio

15 Tetor 2020, 16:32 Nga DOSJA

Vedat Muriqi prezantohet zyrtarisht te Lacio

ROME – Sot në mesditë, në qendrën sportive të Formelos, ku stërvitet skuadra kryeqytetase e Lacios, është prezantuar zyrtarisht në një conference për shtypin, sulmuesi më i ri “biacocelest”, kosovari Vedat Muriqi.

“Të jesh te Lacio është një nder, do të përpiqem të jap maksimumin tim dhe ta ndihmoj ekipin. Nuk më interesojnë krahasimet, unë dua të jem Vedat Muriqi i Lacios. Ka shumë ndryshime midis kampionatit italian dhe atij turk. Unë e di historinë e derbit të kryeqytetit, mezi po e pres ta jetoj. Kam marrë shumë mesazhe nga tifozët e “biancocelest”, ata më kanë bërë të lumtur.

Në Turqi shënova shumë, por nuk dua të kem shumë presion mbi shpinë. Unë preferoj lojën në ekip, qëllimi im është vetëm të ndihmoj shokët e mi të skuadrës. Unë jam në një nga klubet më të mëdha në Itali dhe në skuadrën e parë të Romës, dua të jem aq i madh sa Lacio dhe do të bëj çmos që të jem në atë gjendje.

Zgjodha këtë realitet sepse besoj se stili im i lojës mund të lartësohet këtu, pavarësisht ofertave të shumta të marra. Prania e drejtorit sportiv Tare, gjithashtu ndikoi në zgjedhjen time. Immobile? Mezi pres të luaj me të, për mua është si të jetosh një ëndërr. Do të përpiqem të mësoj prej tij ,”- u shpreh ndër të tjera sulmuesi Muriqi në konferencën e parë për shtyp, ku ai u prezantuar si lojtari më i ri i skuadrës laciale.

“Tratativa për të sjellë Muriqin në Romë ishte një kohë tepër e gjatë dhe e vështirë, por jemi të lumtur që e përfunduam me sukses këtë transferim.

Muriqi kompleton të gjithë repartin e sulmit sepse është tepër i fortë, dhe i është bashkuar një grupi lojtarësh që kanë kontribuar për të sjellë skuadrën në këtë nivel. Këtë sezon do të luajmë çdo tri ditë, për këtë arsye ai do të na japi një shtysë të madhe për të arritur synimet tona”, përfundon fjalimin e tij, Igli Tare.

B.T. (Dosja.al)

1 vit nga zgjedhjet e 25 prillit si e shikoni gjendjen e vendit:

View Results

sport sport igli tare immobile kosova lacio seria a vedat muriqi igli tare immobile kosova lacio seria a vedat muriqi