Aktualitet

KLP merr vendimin, Arta Marku vendoset në Apelin e Tiranës, drejtues të rinj në Prokuroritë e Fierit dhe Lushnjes

30 Shtator 2020, 13:37 Nga DOSJA
KLP merr vendimin, Arta Marku vendoset në Apelin e Tiranës, drejtues

TIRANË– Këshilli i Lartë i Prokurorisë në mbledhjen e zhvilluar mesditën e sotme ka marrë disa vendime për lëvizjet në institucionet e vendit. Ish-kryeprokurorja e përkohshme Arta Marku është vendosur pranë Prokurorieë së Gjykatës së Apelit në Tiranë. Po ashtu përkohësisht për të drejtuar Prokurorinë e Lushnjes është dërguar Arben Dyla, ndërsa në Fier, Violeta Shkurta.

Pas verifikimit të kushteve dhe kritereve ligjore të emërimit, pasurisë, figurës dhe integritetit, KLP vendosi kualifikimin për emërim të dy kandidatëve për prokuror, Enkeleda Hoxha dhe Gazmend Frëngu, të dy të diplomuar në Shkollën e Magjistraturës këtë vit. Më shumicë votash, Këshilli miratoi raportet për analizimin e aftësisë profesionale të subjektit të rivlerësimit Ervin Beqiri, Petrit Hysa dhe Lindita Male (Ziguri) dhe projekt-aktin për mbarimin e statusit, për shkak dorëheqje, të Rabiana Halilit, aktualisht prokurore në Prokurorinë pranë Gjykatës së Shkallës së Parë Durrës.

VENDIMET E PLOTA:

Këshilli i Lartë i Prokurorisë zhvilloi sot në mesditë mbledhjen plenare të radhës në të cilën shqyrtoi disa çështje të rëndësishme. Seanca plenare është organizuar on-line në lidhje Zoom me të gjithë anëtarët e Këshillit, si dhe të ftuar përfaqësues nga Ministria e Drejtësisë, programet EURALIUS dhe OPDAT, në kushtet e distancimit social si rezultat i pandemisë COVID-19.

Pasi u njoh me relacionet e përgatitura nga Komisioni i Zhvillimit të Karrierës, Këshilli vendosi miratimin e projekt-akteve “Për caktimin e përkohshëm në pozicionin e Drejtuesit të Prokurorisë pranë Gjykatës së Shkallës së Parë Lushnje të z. Arben Dyla ”, “Për caktimin e përkohshëm në pozicionin e Drejtuesit të Prokurorisë pranë Gjykatës së Shkallës së Parë Fier të znj. Violeta Shkurta ” dhe “Për caktimin e përkohshëm në pozicionin e prokurorit të Prokurorisë pranë Gjykatës së Apelit Tiranë të znj. Arta Marku”.

Pas verifikimit të kushteve dhe kritereve ligjore të emërimit, pasurisë, figurës dhe integritetit, Këshilli vendosi kualifikimin për emërim të dy kandidatëve për magjistratë në profilin prokuror, znj. Enkeleda Hoxha dhe z. Gazmend Frëngu pas diplomimit në Shkollën e Magjistraturës në vitin akademik 2019-2020. Me këtë vendimmarrje, Këshilli hap rrugën për shpalljen e dy vendeve vakante për kandidatët për prokuror.

Më shumicë votash, Këshilli miratoi raportet për analizimin e aftësisë profesionale të subjektit të rivlerësimit Ervin Beqiri, Petrit Hysa dhe Lindita Male (Ziguri) dhe projekt-aktin për mbarimin e statusit, për shkak dorëheqje, të magjistratit znj. Rabiana Halili, aktualisht prokurore në Prokurorinë pranë Gjykatës së Shkallës së Parë Durrës.

(k.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet mbledhja e klp mbledhja e klp

Sondazh

Poll

MË SHUMË