Aktualitet

INUV shemb banesat te Bregu i Lumit/ Dhunë e gaz lotsjellës mbi banorët, 6 të plagosur

9 Prill 2019, 05:44 Nga DOSJA
INUV shemb banesat te Bregu i Lumit/ Dhunë e gaz lotsjellës mbi

TIRANË- Me fadroma tek dera e shtëpisë dhe më Policisë që kishin rrethuar të gjithë lagjen, kështu janë zgjuar këtë mëngjes banorët e Bregut të Lumit në ditën e dytë të aksionit të INUV për të prishur banesat. Forca të shumta policie që prej orës 06:00 të mëngjesit janë tek Bregu i Lumit për të mbështetur punonjësit e INUV.  Mes banorëve dhe bluve të Tiranës ka përplasje, ku nuk kanë munguar shtyrjet dhe ulërimat. Protestuesit kanë gjuajtur me gurë në drejtim të efektivëve dhe janë shprehur se nuk do të lejojnë që banesat e tyre të shemben.  Deri më tani 3 protestues janë në spital për të marrë mjekim ndërsa 6 të tjerë janë arrestuar.  Një grua ka thyer këmbën dhe sipas një banori një 75-vjeçar pasi goditjeve nga policia ka hyrë në sallë të operacionit. Po kështu janë edhe 3 efektivë policie të lënduar. Nga INUV janë shembur deri më tani 1 banesë dhe po shembet e dyta. Tek Bregu i Lumit kanë shkuar dhe ish-deputetët e PD, Jorida Tabaku, Klevis Balliu dhe Aldo Bumçi.

[sgallery url=”https://dosja.al/policia-dhe-inuv-zbarkojne-tek-bregu-i-lumit-pas-perplasjes-3-protestues-ne-spital/”]

ZHVILLIMET ORË PAS ORE:

Ora 13:00-Rudina Hajdari sfidon PD? Deputetja rebele shkon te banorët e Bulevardit të Ri: Do e çojmë çështjen në gjykatë

Deputetja rebele e Partisë Demokratike, Rudina Hajdari ka shkuar ditën e sotme te banorët e Bulevardit të Ri, të cilët sot kanë protestuar kundër shembjes së banesave të tyre. Deputetja dëgjoi shqetësimet e tyre, dhe tha se duhet gjetur një mënyrë që çcështja të shkojë në Strasburg.

Ora 11:51 Policia pengon gazetarët të filmojnë (VIDEO)

Nga një video të publikuar nga shihet se policët pengojnë gazetarët që të raportojnë. Siç shihet dhe nga pamjet kur gazetarja e News 24, Dorjana Bezat është bërë gati që të raportoj, një polic rri tek kamera dhe bllokon pamjen. 

Ora 11:32: Momenti kur policia hedh gaz lotsjellës mbi banorët e Bregut të Lumit

Ora 11:17-  Protesta te Bregu i Lumit, Avokati i Popullit: Po ndjekim situatën nga terreni

Ora 10:44-  Protesta te Bregu i Lumit/ 3 efektivë policie plagosen, nisen me urgjencë drejt spitalit (EMRAT)

3 efektivë policie janë plagosur pas përplasjeve me banorët te Bregu i Lumit. Dy prej efektivëve janë Bledar Deliu dhe Arben Çanaku. Ndërsa në kokë është lënduar polici Gerond Shabani.

Ora 10:07-Bregu i Lumit/ Aldo Bumçi sherr me policinë, si u konfliktua ish-deputeti pasi nuk u lejua të kalonte

Në videon e mëposhtme të siguruar nga Dosja.al është ish-deputeti i PD-së Aldo Bumçi i cili përplaset me policinë pasi nuk lejohet të kalojë në zonën ku po prishen ndërtesat.

Ora 09: 47- Njëri në sallën e operacionit, këta janë banorët që u dhunuan nga policia

Dosja.al ka mësuar se tre persona kanë mbetur të lënduar gjatë protestës së zhvilluar tek Bregu i Lumit.

Ora 09:40- Balliu akuza të forta: Po vriten qytetarët, po përdoret gaz lotsjellës brenda shtëpive

Ish-deputeti i Partisë Demokratike, Klevis Balliu ka postuar në Facebook dy video ku sipas tij tregojnë dhunën që ka ushtruar policia për të hyrë në banesat qëdo të shemben tek Bregu i Lumit. Në reagimin e tij ish-deputeti shkruan se këto janë akte barbare që po bëjnë uniformat blu dhe Edi Rama.

Ora 09:35- Protesta te Bregu i Lumit/ Banori: Pas dhunës së policisë 76-vjeçari në sallë të operacionit, gruas i thyen këmbën

Protesta te Bregu i Lumit ka nisur sot që prej orës 06:00 të mëngjesit. Dosja.al mëson 3 persona ndodhen për mjekim në spital pasi janë dhunuar nga policia. Po kështu sipas një banori një 76-vjeçar është në sallë të operacionit pas goditjeve që ka marrë nga policia. Ndërsa një grua tjetër i kanë thyer këmbën gjatë përplasjes me policinë.

08:40 PD: Policia nuk lejon ish-deputetët që të shkojnë tek banorët

PD ka publikuar dhe foto nga përplasja mes banorëve dhe Policisë. Sipas zyrës së shtypit së selisë blu, Policia nuk kanë lejuar ish-deputetët, Aldo Bumçi dhe Klevis Balloi që të afrohen tek shtëpitë që do të prishen.

(F.M. A.B. J.V/Dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet arrestohen disa protestues banorët me shkopinj dhe gurë ndërhyn inuv protesta tek bulevardi i ri shembja e banesave bregu i lumit arrestohen disa protestues banorët me shkopinj dhe gurë ndërhyn inuv protesta tek bulevardi i ri shembja e banesave bregu i lumit

Sondazh

Poll

MË SHUMË