TIRANË- Ish-deputeti socialist i Vlorës, Fatmir Toçi ka përditësuar të gjithë ndjekësit e tij lidhur me gjendjen e tij shëndetësore pas infektimit nga pandemia e koronavirusit. Nga shtrati i spitalit COVID-2 “Shefqet Ndroqi”, ish-deputeti shkruan se të gjitha mesazhet dashamirëse që ka marrë kanë ndikuar në përballimin e infektimit të tij nga pandemia.
Në statusin e tij, Toçi nuk lë pa përmendur as mjekët, të cilët sipas tij kanë punuar me dedikim dhe kanë dhënë kontribute te jashtëzakonshme.
“Në pamundësi për t’iu përgjigjur mijëra mesazheve dhe interesimeve të vazhdueshme në forma të tjera nga e gjithë bota, informoj se gjendja duket e stabilizuar, edhe pse beteja me Covidin-19 vazhdon dhe, me sa duket, do të zgjasë akoma,”-shkruan ndër të tjera në postimin e tij ish-deputeti.
POSTIMI I PLOTË:
MIRËNJOHJE E FALËNDERIME
Interesimi i të afërmve, miqve, të njohurve dhe dashamirësve të shumtë për gjendjen time shëndetësore, pas prekjes nga Covid-19 ma ka bërë më të lehtë përballimin e kësaj situate, si pjesë e rëndësishme e trajtimit shëndetësor që po përdoret, me sa duket deri tani, me sukses.
Në pamundësi për t’iu përgjigjur mijëra mesazheve dhe interesimeve të vazhdueshme në forma të tjera nga e gjithë bota, informoj se gjendja duket e stabilizuar, edhe pse beteja me Covidin-19 vazhdon dhe, me sa duket, do të zgjasë akoma. Nuk di si t’ju falënderoj për forcën dhe kurajën që me keni dhënë në këto çaste të vështira për mua dhe familjen time, duke demonstruar vlerat e një shoqërie humane e të qytetëruar, siç ka qenë dhe është shoqëria shqiptare. Mirënjohje dhe dashuri të pafund për personelin e Spitalit Universitar “Shefqet Ndroqi”, mjekë, specialistë e infermierë, profesionalizmi, kujdesi dhe humanizmi i të cilëve janë shfaqja më dinjitoze e misionit që kanë marrë përsipër dhe i kanë kushtuar jetën e tyre. Çfarë të them për Prof. Perlat Kapisyzin, drejtorin e institucionit?! Disa njerëz janë lindur e formuar për të qenë misionarë me punën e tyre, me ndikim dhe kontribute te jashtëzakonshme në shoqëri, dhe do të thoja pa hezitim, ky është një nga rastet më të spikatur. Zoti i ruajttë dhe u dhëntë forcë! Shoqëria ka nevojë jetike për ata sot më shumë se kurrë, ashtu sikurse edhe ata kanë nevojë që të gjithë ne të jemi më të ndërgjegjshëm e më të përgjegjshëm përsa po ndodh realisht në të gjithë botën.
Ish-deputeti socialist, Fatmir Toçi rezultoi pozitiv me COVID-19 disa javë më parë por u shtrua në spital më 17 korrik pas disa ditësh që rrinte i izoluar në shtëpi.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Edhe pse e shtunë, duket se për presidentin Ilir Meta nuk ka ditë pushimi. Kreu i shtetit ka postuar një video, të shkëputur nga një prej kon...
DURRËS -Kryeministri Edi Rama ishte i pranishëm sot në Durrës, për të inspektuar punimet në shkollën 9-vjeçare “Neim Babameto” në zonën e Spitallës....
TIRANË-Ministri i Jashtëm në detyrë, Gent Cakaj, zhvilloi sot një bisedë telefonike me homologun e Arabisë Saudite, Adel bin Ahmed al-Jubeir. Nëpërmjet një...
TIRANË- Presidenti Ilir Meta ka reaguar sërish sot në lidhje me debatin për hapjen e listave. Në një postim në mediat sociale, Meta shkruan se shqiptarët d...
TIRANË- Ish-deputeti i Partisë Demokratike, Oerd Bylykbashi, i cili është dhe një nga anëtarët e Këshillit Politik ka treguar sot një shembull të fletës së...
TIRANË- Anëtari i opozitës në Këshillin Politik, Petrit Vasili, deklaroi se Ramës i ra alibia se listat e hapura kërkoheshin nga populli, por Kryeministri ...
TIRANË- Sekretari i Përgjithshëm i Partisë Demokratike, Gazment Bardhi, në konferencën për mediat bashkë me dy anëtarët e opozitës në Këshillin Politik tha...
TIRANË- Përfaqësuesi i Partisë Demokratike në Këshillin Politik, Oerd Bylykbashi, në një deklaratë për mediat, ka sqaruar propozimin e PD për listat e hapu...
TIRANË- Sekretari i Përgjithshëm i Partisë Demokratike, Gazment Bardhi, bashkë me dy anëtarët e opozitës në Këshillin Politik, Oerd Bylykbashi dhe Petrit V...
TIRANË- Ambasadorja e Francës në Shqipëri, Christine Vasac, ka komentuar nga Pogradeci debatin për hapjen apo jo të listave zgjedhore dhe ndryshimeve të tj...