Partia e presidentit serb, Aleksandar Vuçiç, zgjeroi të dielën e 21 qershorit, kontrollin e saj mbi pushtetin pas një fitoreje zgjedhore në votimet që u zhvilluan pa 9 partitë kryesore të opozitës. “Unë jam mirënjohës ndaj popullit për këtë mbështetje historike”, tha presidenti nga selia e Partive Progresive Serbe (SNS, e djathtë e qendrës), që është në pushtet prej tetë vitesh. “Ne kemi fituar kudo, kemi fituar atje ku nuk kemi fituar kurrë” konfirmoi ai, duke thënë se SNS ka marrë më shumë se 63% të votave ose 189 vende nga 250 që ka parlamentiu serb (nga 131 që kishte në legjislaturën e mëparshme). Sipas vlerësimeve të institutit Ipsos, partneri i tij në koalicionin në largim, Partia Socialiste Serbe (SPS qendra e majtë), fitoi 11% të votave.
Hija presidenciale i dominoi këto zgjedhje të para në Evropë që nga mbyllja prej pandemisë. Ndonëse Aleksandar Vucic nuk u paraqit, emri i tij u shfaq në fletët e votimit si shefi i SNS.
Kjo “fitore e thellë” u ndihmua nga bojkotimi i votimit nga partitë kryesore të opozitës të cilat pretendojnë se zgjedhjet e lira ishin të pamundura për shkak të mungesës së demokracisë dhe manipulimit të mediave. Ato vazhduan të denoncojnë zgjedhjet “false” dhe të pretendojnë suksesin e lëvizjes së tyre. Këtë gjë nuk e ndaloi as pjesmarrja në garë e rreth 20 partive të tjera, që ndonëse zgjodhën të garonin, zor se e kalojnë pragun prej 3% të kërkuar për të hyrë në parlament. Mes tyre ishin edhe një pjesë e partive të shqiptarëve të Luginës së Preshevës.
Sipas rezultateve paraprake, Alternativa demokratike shqiptare – Lugina e Bashkuar, ka siguruar tre vende në Parlamentin e Serbisë. Ndërkohë pritet të dalë rezultati përfundimtar, ku shpresohet që numri i deputetëve shqiptarë të shkojë në 4. Pikërisht për të ruajtur legjitimitetin e zgjedhjeve të kontestuara, miku i tij Edi Rama i bëri thirrje shqiptarëve të Luginës që të dilnin masivisht në zgjedhje. Gjoja me motivin e fitimit të sa më shumë vendeve për deputetët shqiptarë në parlament, kjo thirrje kishte qëllimin shmangjen e një salle njëngjyrëshe në emër të së cilës Vuçiç ndryshoi edhe ligjin elektoral, duke ulur pragun nga 5% në 3%.
Por, jo të gjitha përtitë shqiptare iu bindën thirrjes nga Tirana.
Kryetari i PDSH-së, Ragmi Mustafa, në Luginën e Preshevës u shpreh se partia e tij nuk ka marrë pjesë në zgjedhje pasi sipas tij, Serbia nuk është treguar asnjëherë e gatshme për të dëgjuar zërin e shqiptarëve në parlamentin e saj. Ai e denoncoi Aleancën e shtyrë nga Tirana zyrtare si fallco “ku 3 parti në Bujanovc dhe Preshevë nuk arrin të kenë më shumë se 5-6% të popullit”. tha ai.
Ndonëse shumë media pranë qeverisë në Tiranë po shesin si fitore numrin rekord të deputetëve shqiptarë në parlamentin serb, kjo ka qenë më shumë një përpjekje e qeverisë Rama për të ruajtuar fasadën e zgjedhjeve fallco dhe pa opozitë, që po bëhen një model i njëjtë i gjithë autokratëve të Ballkanit.
Marrë nga Lajmipress.org
1 vit nga zgjedhjet e 25 prillit si e shikoni gjendjen e vendit:
ITALI– Italia është një ndër vendet më të goditura nga koronavirusi, por javët e fundi në shtetin fqinj masat e rrepta të vendosura në kuadër të përhapj...
TURQI- Truprojat e presidentit turk, Recep Tajip Erdogan njihen për dhunën dhe brutalitetin e tyre. Bëmat e tyre janë theksuar jo pak herë në mediat ndërkombëta...
ITALI– Italia është një ndër vendet më të goditura në Europë si shkak i Covid-19, por teksa shifrat kanë arritur mbi 34 mijë viktima ekspertët e shëndetësisë dh...
KOSOVË– Ditën e sotme, Presidenti i Kosovës Hashim Thaçi ka deklaruar se bashkimi i shqiptarëve në Preshevë e ka dhënë rezultatin e tij.Përmes...
KINË– Një ngjarje e rëndë ka ndodhur në Mixinit në Kinën jugperëndimore, ku të paktën 8 fëmijë kanë mbetur të vdekur.Nga mediat e huaja mësohet se 7 fëmijë...
SERBI– Ditën e sotme pritet që Presidenti i Serbisë, Aleksandar Vuçiç të zhvillojë një takim me Mirosllav Lajçak, të dërguarin e Bashkimit ...
SERBI– Idro Seferi, gazetari shqiptar në Serbi, pas zgjedhjeve të së dielës në Serbi, përmes një postimi në rrjetin social Facebook ka ftuar shqiptarët ta hapin...
SERBI– Presidenti serb Aleksandar Vuçiç, pas daljes së rezultateve të zgjedhjeve në vend, ku fitoi bindshëm me 63 % të votav i është drejtuar popu...
KOSOVË -Mbrëmjen e djeshme ka ndërruar jetë në Kosovë një pacient 70-vjeçar, duke e çuar numrin e përgjithshëm të viktimave në 37. Përve&cced...
TURQI– Në orët e fundit në Turqi është përballur me shira të rrëmbyeshëm dhe erëra të forta, ku për pasojë kanë vdekur 5 persona.Zona më e prekur ka qenë e Burs...