TIRANË -Shërbimi Informativ Shtetëror ka publikuar raportin për vitin 2019, ku vë theksin sërish te korrupsioni, ekonomia dhe krimi i organizuar. Sipas raportit, korrupsioni vijon të jetë i lartë në administratën publike, ndërsa sistemi i drejtësisë po tregon kujdes për të mos u ekspozuar.
“Elementë të sistemit të drejtësisë shfaqin kujdes të shtuar për të shmangur ekspozimin dhe lidhjet me elementë të besuar me akses direkt në vetting, si dhe dëshirë për të dëshmuar performancë në proceset gjyqësore të drejtuara prej tyre, përmes formulimit të akuzave, zvarritjes së procedurave apo dhënies së vendimeve maksimale të parashikuara në ligj”, thuhet në raport.
Përsa i përket rajonit, Shqipëria dhe vendet e tjera të Ballkanit Perëndimor janë të kërcënuar nga aktorët gjeopolitikë për të bllokuar proceset integruese, retorika nacionaiste dhe ekstreme, përfshirja e elitave politike në korrupsion, emigracioni i paligjshëm, qeverisja e dobët apo vështirësistë ekonomike.
“Zhvillime të brendshme të brishta politike; aktivitete influencuese nga aktorë gjeopolitikë e rajonalë për të dëmtuar, ngadalësuar apo bllokuar proceset integruese euro-atlantike, retorikë nacionaliste ekstreme, përfshirja në korrupsion e elitave politike, emigracioni i paligjshëm, qeverisje e dobët dhe situatë e vështirë ekonomike, si dhe mungesa e përparimit në dialogun Kosovë Serbi, me ndërmjetësimin e BE-së”, vijon raporti.
SHISH ka vënë gjithashtu theksin tek shërbimet e huaja, të cilat po përdorin mediat për manipulimin e realitetit.
“Këtu ndikon edhe dukuria e lajmeve të rreme, që po përdoret gjerësisht për synime influencuese. Kanale mediatike të shkruara dhe online, media sociale po përdoren edhe për shtrembërimin dhe manipulimin e realitetit nëpërmjet mohimit, mashtrimit dhe dezinformimit, me synime të caktuara. Objektivi është të ndikojnë mbi opinionin publik, të dëmtojnë kohezionin social, përçajnë vendimmarrjet kombëtare dhe ato ndërkombëtare në raport me zhvillime të qenësishme, shënjestrojnë e denigrojnë aktorë e faktorë ndërkombëtarë në raport me qëndrimet/rekomandimet e tyre ndaj vendeve të rajonit përfshi vendin tone”, thotë raporti.
Problem sipas SHISH mbetet edhe krimi i organizuar, ku ka një kërkesë të lartë për drogë, ndërsa grupet kriminale shqiptare janë të lidhura me ato të Europës Qendrore.
Këtu mund të lexoni raportin e plotë.
(g.sh./dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Drejtoresha e Kopshteve dhe çerdheve në Bashkinë e Tiranës, Zhaneta Beqiri ka folur për mbylljen e çerdhes numër 16 në zonën e Tiranë...
BRITANI-Një 20-vjeçar është dënuar nga Gjykata e Canterbury me 30 muaj burgim për shkak se u shpall fajtor për trafikimin e dy personave me origjinë shqi...
TIRANË-Në studion e emisionit “Top Talk” drejtuar nga gazetari Denis Dyrnjaja, ishte e ftuar kryetarja e Komunitetit Anti-Covid Mira Rakacolli.“Kjo është n...
TIRANË –Deputeti socialist, Fatmir Xhafaj pati disa kritika në lidhje me institucionet e reja të drejtësisë, Këshillin e Lartë të Prokurorisë dhe Këshillin...
TIRANË- Një banesë është përfshirë nga flakët gjatë pasdites së sotme në Tiranë. Mësohet se zjarri ka rënë në banesën e një 78-vjeçareje në rrugën “...
TIRANË –Testi i maturës i Gjuhë-Letërsisë ka qenë debati më i nxehtë i ditëve të fundit. Maturatët janë ankuar për pyetjet e testit, të cilët sipas t...
ITALI- Karabinierët në Itali kanë përfunduar ditën e sotme operacionin të koduar “Pineta bianca”, ku kanë arrestuar 13 persona ku 6 prej tyre shtatas shqiptarë....
TIRANË– Infektimet e koronavirusit kanë pësuar rritje konstante ditë pas dite. Edhe pse autoritetet bëjnë thirrje për respektimin e masave për parandalimin...
TIRANË -Detaje të reja janë mësuar në lidhje me sherrin e dhunshëm të 2 ditëve më parë në Tiranë në rrugën Dritan Hoxha, ku u përfshinë 6 persona. Për ngj...
TIRANË– Mbyllet çerdhja nr.16 në zonën e ish-Bllokut në Tiranë pasi është bërë pjesë e një hetimi epidemiologjik. Dje Dosja.al raportoi se një prej ...