Aktualitet

Ristrukturimi i Policisë Gjyqësore, Çela: Të ndryshohet organika e oficerëve në 12 Prokurori

15 Qershor 2020, 13:59 Nga DOSJA
Ristrukturimi i Policisë Gjyqësore, Çela: Të ndryshohet

TIRANË– Prokurori i Përgjithshëm Olsjan Çela ka urdhëruar ristrukturimin e Policisë Gjyqësore, pas problemeve të konstatuara gjatë analizës vjetore. Sipas njoftimit të Prokurorisë së Përgjithshme, ristrukturimi do të bëhet nëpërmjet ndryshimit të organikës së oficerëve të Policisë Gjyqësore pranë 12 prokurorive. Gjithashtu Prokurori i Përgjithshëm ka urdhëruar ushtrimin e kontrollit mbi treguesit e punës hetimore në veprimtarinë e oficerëve të policisë gjyqësore për periudhën 1 janar 2019 deri në 31 dhjetor 2019 dhe çështjet e mbartura nga viti 2018.

Njoftimi i plotë i prokurorisë

Prokurori i Përgjithshëm Olsian Çela nisur nga problemet e konstatuara gjatë analizave vjetore mbi ngarkesën në punë të prokurorëve dhe oficerëve të policisë gjyqësore, kërkesave të ardhura nga disa prokurori për shtim të numrit të o.p.gj, si dhe analiza statistikore e të dhënave që lidhen me shpërndarjen e ngarkesës si dhe raportin mes numrit të prokurorëve dhe oficerëve të policisë gjyqësore në çdo prokurori, me synimin për të siguruar një funksionim normal të prokurorive të rretheve gjyqësore, bazuar në nenet 20 dhe 38 të ligjit nr.97/2016 “ Për funksionimin e prokurorisë në Republikën e Shqipërisë” ka urdhëruar ristrukturimin e policisë gjyqësore, përmes ndryshimit të organikës së oficerëve të policisë gjyqësore pranë 12 Prokurorive të Juridiksionit të Përgjithshëm. Në vijim Prokurori i Përgjithshëm për të kontrolluar veprimtarinë e oficerëve të policisë gjyqësore, në zbatimin e ligjit penal, procedurial dhe udhëzimeve të Prokurorit të Përgjithshëm për periudhën 1 janar 2019 deri në 31 dhjetor 2019 dhe ato të mbartura nga viti 2018, ka urdhëruar ushtrimin e kontrollit mbi treguesit e punës hetimore në veprimtarinë e oficerëve të policisë gjyqësore të Seksionit të Policisë Gjyqësore në Prokurorinë me ngarkesën më të madhe, asaj pranë Gjykatës së Rrethit Gjyqësor Tiranë. Sipas Prokurorisë së përgjitshme, rekomandimet e mundshme në përfundim të kontrollit, synojnë përmirësimin e treguesve në veprimtarinë e oficerëve të policisë gjyqësore.

(g.sh./dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet olsian cela ristrukturimi i policise gjyqesore olsian cela ristrukturimi i policise gjyqesore

Sondazh

Poll

MË SHUMË