Tiranë- Pas publikimit të lajmit në media, gazetarja Kozeta Kurti, në një shkrim të gjatë në Facebook, sqaron se nuk ka hedhur asnjë firmë në peticionin për shembjen e Teatrit Kombëtar. Ajo ka shtuar më tej se është pro për një teatër të ri, por kur ai të jetë pronë publike. Sipas saj këtë mendin e ka shprehur që në vitin 2018.
“Jam shprehur qartë se në linkun që më nisën, me listën përfshirë emrin tim, nuk ka firma, pra FIRMA fizike (nga ato që ta vjedhin në dokumenta dhe ta riprodhojnë), por jam shprehur gjithashtu të zezë në të bardhë se: PO, unë jam për një teatër të ri (e kam lexuar unë përmbajtjen e peticionit, për ndokënd që mendon se nuk di shkrim e lexim), sepse për MUA, është ajo që kam dashur që në fillim të këtij të debati, dy vjet e gjysmë më parë, Teatër të ri, pronë publike (siç nuk ka qenë kështu propozimi i fillimit).”, shprehet ajo.
Gazetarja shton më tej se nuk ka nevojë për famë dhe aq më pak më një çështje si Teatri Kombëtar. “Kush do të bëjë famë me çështjen e Teatrit, është i mirëpritur. I kam mbaru’ unë këto hallet e popullaritetit dhe e kam dorëzu’ stafetën prej vitesh. Meqë i rashë shumë gjatë për të thënë: PO! JAM PËR TEATËR TË RI ATY KU ËSHTË, shpresoj të jem shumë E QARTË!”, shprehet ajo.
Reagimi i plotë:
Mos keqpërdorni deklaratat e njerëzve!
E gjeta veten nëpër lajme mbrëmjen e kaluar dhe e shoh të arsyeshme të bëj nja dy sqarime të vogla, se nxitimi për të prodhuar sa më shumë titra është i njohur. (jam e vetëdijshme që jam thërmijë përballë çështjes së madhe të Teatrit Kombëtar, aq sa jam ende e habitur për përmasën që mori)
Lexova se: Gazetarja Kozeta Kurti ka mohuar të ketë hedhur firmë në peticionin e fundit për çështjen e Teatrit Kombëtar. Jam shprehur qartë se në linkun që më nisën, me listën përfshirë emrin tim, nuk ka firma, pra FIRMA fizike (nga ato që ta vjedhin në dokumenta dhe ta riprodhojnë), por jam shprehur gjithashtu të zezë në të bardhë se: PO, unë jam për një teatër të ri (e kam lexuar unë përmbajtjen e peticionit, për ndokënd që mendon se nuk di shkrim e lexim), sepse për MUA, është ajo që kam dashur që në fillim të këtij të debati, dy vjet e gjysmë më parë, Teatër të ri, pronë publike (siç nuk ka qenë kështu propozimi i fillimit). Pra, kam KONFIRMUAR qëndrimin tim të më shumë se dy viteve më parë. Nuk jam shprehur askund se më kanë ricikluar mendimin e dy viteve më parë. E kam përdorur çështjen e vitit 2018, sepse gazetarja la të nënkuptohej “blerja” ime me detyrën që mbaj në TKOB prej janarit 2020. Ishte një mënyrë për t’i thënë: këtë mendim e kam që dy vjet e gjysmë më parë. Unë nuk kam thënë kurrë në asnjë moment: “U befasova, u çudita” që pashë emrin në listë. Kam thënë: “Nuk ka firmosur njeri për mua, pra, firmë, me stilolaps, mbi letër, sepse e tillë m’u shit. Kam thënë do të firmos ose jo me shkrim fizikisht, për projektin konkret (nëse do të duhet). Shumë llogari po jap, se s’ka çfarë i duhet askujt se çfarë mendon secili në kokën e vet. Teatrit të ri i kam thënë PO që ditën 1. Këto historitë e manipulimit të deklaratave, intervistave, citimeve i kam lënë pas në 2007-ën unë, herën e parë që më kërkuan ta bëj, po s’e kuptoj ç’interes kaq të madh mund te provokoj unë. Ndaj merrem veç me art e kulturë tani.(merrem, dmth raportoj, bëj programe radiofonike dhe televizive, angazhohem në sipërmarrje të pavarura kulturore- se mos na del njeri e na pyet: cila është kryevepra jote a vepra e fundit, se çfarë s’pret këtu). Në momentin që edhe këtë fushë duan ta qelbin politikisht, të gjejnë shokët.
Sa për pavarësi, jam unë që në qershor të 2018-ës, kam dalë nga shtëpia e kam shkuar në 15 katësh për t’i thënë Erion Veliajt “po artistët që janë kundër, a i ke ftuar në këtë takim?”
I kam dhënë unë provat e mia të pavarësisë dhe varësisë edhe te publiku, edhe te privati; kur fshikullova Festivalin e Këngës në RTSH, ndërsa isha pagamarrëse në RTSH, kur mbajta qëndrim editorial për copëtimin e Kinostudios, ndërsa ushtroja funksionin e kryredaktores në Tempora-n e Sonila Meços në RTV Ora (i vendosur në ish Kinostudio) etj etj.
Mua s’më përdor dot njeri politikisht, as andej, as këndej pushtetit a opozitës. Kam marrëdhëniet e mia PERSONALE, të shëndetshme dhe jo, andej e këndej pushtetit a opozitës, se kam 20 vjet në media e njoh qindra njerëz!
U futa në siklet kur kuptova sa “rëndësi” më dhanë.
Në fund kam ca gjëra:
1-Jam pro ndërtimit të Teatrit të Ri aty ku është për aq kohë sa Teatri i mbetet Teatrit,
dhe pronë PUBLIKE 100%.
2- Kush dreqin është kush, të të kryqëzojë për mendimet e tua, edhe ato të interpretuara me orekse. Pse unë duhet të qenkërkam blerë nga Bashkia dhe kush është kundër, nuk qenkërka joshur nga Opozita psh? Kurrë s’më ka shkuar ndërmend të bëj këto saltot naive. Çfarë interesi kam unë? Një event çdo vit? Atë do ta bëj me dhe pa Bashkinë e Tiranës, siç edhe e kam bërë, me dhe pa Bashkinë e Tiranës.
3- Dhe e fundit (se kjo është pjesa më argëtuese), Edhe pse unë postoj në fb tim ç’të më dojë qejfi mua, i “druhem” komenteve të tipit: po kush je ti? Po kur u bëre ti? Po çfarë je ti? Po nga mbive ti? etj etj. Sa më shumë të tilla të shoh e të lexoj, aq më shumë do bindem se: “unë qenkam, unë qenkam bërë, unë paskam mbirë”, kështu që, ju paça, lëreni se s’kam moshë me u grind’ me modestinë tani e të filloj të besoj se jam faktor. Kush do të bëjë famë me çështjen e Teatrit, është i mirëpritur. I kam mbaru’ unë këto hallet e popullaritetit dhe e kam dorëzu’ stafetën prej vitesh.
Meqë i rashë shumë gjatë për të thënë: PO! JAM PËR TEATËR TË RI ATY KU ËSHTË, shpresoj të jem shumë E QARTË!
Një grup aktorësh dhe regjisorësh e skënaristësh i janë drejtuar dje Presidentit Ilir Meta e kreut të PD, Lulzim Bashës që të mos pengojnë ndërtimin e teatrit të ri. Këta aktorë deklarojnë se ndërtimin e Teatrit të Ri e konsiderojnë të mbyllur me sukses në emër të interesit kombëtar dhe u bëjnë thirrje atyre që t’i lënë lojërat politike sepse pikërisht nga këto lojëra komuniteti i artistëve ka mbetur edhe sot pa Teatër.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
TIRANE- Ditën e djeshme u përhap me shpejtësi në rrjetet sociale, videoja ku 4 policë dhunonin një 15-vjeçar pranë liqenit Artificial në Tiranë. Efektivi...
Tiranë- Regjisori i mirenjohur i Teatrit Kombetar, Andon Qesari, por edhe aktori Genc Fuga, aktorja Eni Jani, Agim Bajko, Adelina Muca, Blerina Kokona janë emr...
TIRANË –Urdhri i Psikologut në Shqipëri, vendosi sot të ndalojë terapinë e konvertimit që psikologët në vend aplikonin ndaj personave LGBTI, duke e b...
DURRËS- Vazhdojnë përpjekjet për të kultivuar kanabis në të gjithë territorin e vendit. Ditën e sotme, pas operacionit të zhvilluar në Krujë, një tjetër sa...
Tiranë- Nga dita e hënë Spitali COVID-2, “Shefqet Ndroqi” do i rikthehet pacientëve të tij kronikë, dhe nuk do të jetë më një spital për të infektuarit me COVI...
Shqipëri- 17 raste të reja me COVID-19 gjatë 24 orëve të fundit, shkon në 933 numri i të prekurve. Rovena Daja nga ISHP bëri me dije ditën e sotme se gjatë 24 o...
Korçë-Gjykata e Korçës ka dhënë masën e sigurisë “arrest me burg” për babain 37-vjeçar me inicale R.M, i cili akuzohet nga vajza e tij për ...
Mirditë- Parandalohet ngjarja e rëndë në Mirditë. Policia ka arrrestuar 35-vjeçarin me iniciale me iniciale E.Sh, pasi pas një konflikti të çasiti...
Lezhë- Detaje të reja kanë dalë nga vraja e dyfishtë në Lezhë, ku u ekzekutuan me armë zjarri Kolë Murrani dhe miku i tij, Preng Simoni. Burime për Dosja.al bëj...