TIRANË– Akademia e Shkencave ka shprehur ngushëllimet për ndarjen nga jeta të Gudar Beqirajt, i cili vdiq sot, në ditën kur do të mbushte plot 72 vjeç. Me anë të një statusi në faqen zyrtare, Akademia e Shkencave e përshkruan akademikun Beqiraj, si një akademik që ka lënë më shumë gjurmë.
Ndër të tjera, në shkrim thuhet se Beqiraj ka ndërruar jetë nga një sëmudnje e papritur.
Reagimi i plotë
Ndërroi jetë në mënyrë të papritur akademiku Gudar Beqiraj. Kryesia e Akademisë së Shkencave njofton me hidhërim të thellë se akademiku Gudar Beqiraj ndërroi jetë nga një sëmundje e papritur. Gudar Beqiraj ishte një nga anëtarët e Asamblesë me më shumë gjurmë në jetën institucionale të Akademisë së Shkencave. Ndarja e tij nga jeta është një humbje e madhe për Akademinë tonë të Shkencave, për bashkësinë e studiuesve të fushave ku ai veproi, për miqtë e shumë në universitete brenda dhe jashtë vendit, për qytetarët e shumtë me të cilët e patën lidhur interesat e tij të fuqishme dhe ndjenjat e fisme njerëzore. Gudar Beqiri ishte njeriu i kërkimit dhe i pasioneve, i punës dhe drejtimit shkencor, i përgjegjësive administrative dhe vullnetarizmit olimpik, i ekspertizës në fushën e informatikës aplikative brenda dhe jashtë vendit. Akademik Gudar Beqiraj i takon atij brezi që mori formimin bazik në Universitetin e Tiranës dhe u formua e specializua jashtë vendit.
I diplomuar në fushën e matematikës, ai plotësoi kualifikimin në fushën e gjeostatikës në Qendrën e njohur të kësaj fushe në Fontainbleau (Francë), duke thelluar njohjen në fushën e krijuar me tezën e doktoratës ”Transformimi Fourier dhe aplikimet e tij”. Ai është ndër të parët specialistë shqiptarë të formuar në metodat e informatikës së aplikuar në fushën e gjeofizikës (Universiteti Paris VI, Francë), duke vijuar më tej me formimin përmes punës në Universitetin “La Sapienza” (Romë) dhe me drejtimin e projektit informatik katërvjeçar për regjistrimin dhe përpunimin e të dhënave të kadastrës italiane. Gudar Beqiri ka përfaqësuar dijen vendëse në fushën e informatikës aplikative qysh në vitet 1980, si pjesëmarrës në veprimtari të rëndësishme shkencore ndërkombëtare, si Kongresi III Botëror i Gjeostatistikës (Avignon, 1987); në simpoziumin ndërkombëtar për zbatimin e metodave matematikore në gjeologji-miniera (1989, Çeki); në simpoziumin “Codota” (Leeds, 1990)); në simpoziumin ndërkombëtar për zbatimin e metodave matematikore në gjeologji-miniera (me një vlerësim me medalje argjendi të paraqitjes shkencore, Çeki, 1991).
Që prej tri dekadash akademik Gudar Beqiraj është i përfshirë në ekspertizë dhe oponencë shkencore ndërkombëtare nga institucione jashtë vendit. Vlerësues i jashtëm në programe doktorate në Francë, specialist i ftuar për vlerësimin e projekt-propozimeve në kuadrin e programit “Copernicus” të Komisionit Europian, drejtues në projektet e Komisionit Europian “Seeren”, “Seeren2”, “Isotea”, “Seefire”, “See-grid”, “See-grid2”, “See-grid-sci”, “Ict-ëeb-proms”. Gudar Beqiraj ka veprimtari universitare të pandërprerë që prej më shumë se katër dekadash, si pedagog i matematikës dhe i informatikës. Ai është autor i shumë artikujve dhe botimeve në shqip e në gjuhë të huaj në fushat ku ushtron veprimtarinë kërkimore-shkencore. Në karrierën e akademikut Gudar Beqiraj numërohen detyra të rëndësishme, që prej atyre të drejtimit shkencor (si dekan) deri tek drejtimi institucional (si drejtor i Institutit të Matematikës Llogaritëse INIMA). Gudar Beqiraj ka drejtuar Akademinë e Shkencave i zgjedhur nga Asambleja në detyrën e kryetarit dhe të zëvendësit.
Përveç veprimtarisë shkencore, universitare dhe administrative, Gudar Beqiraj është një personalitet në fushën e sportit të peshëngritjes, si sportist dhe arbitër (duke përfshirë arbitrimin në kategorinë e parë ndërkombëtare), si president i federatës kombëtare të këtij sporti dhe zëvendëspresident i Komitetit Olimpik Kombëtar, si kryesues i delegacioneve shqiptare në lojërat olimpike, kampionatet botërore, lojërat mesdhetare dhe kampionatet europiane e ballkanike. Për këtë veprimtari ai është nderuar me diploma nderi nga Presidenti i Komitetit Ndërkombëtar Olimpik, si dhe me “Urdhrin Olimpik” kombëtar. Së fundi kryente detyrën e Rektorit të Universitetit Mesdhetar të Shqipërisë. I përjetshëm qoftë kujtimi i njeriut, kolegut, mikut dhe akademikut Beqiraj.
Ish-kreu i Akademisë së Shkencave, Gudar Beqiraj u nda nga jeta në moshën 72-vjeçare. Në vitin 2017 ai ka qenë edhe në krye të Akademisë së Shencave, post në të cilin nuk qëndroi gjatë, por i dha dorëheqjen e presidentit Ilir Meta.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Ministria e Shëndetësisë ka dërguar sot në SPAK të gjitha shkresat e kërkuara për tenderat sekretë. Burime për Dosja.al bëjnë me dije se prokurori ...
BERAT- Berati është një nga qytetet që prej dy javësh është pjesë e bashkive të përfshira në zonat e gjelbra. Dosja.al sjell pamjet e ditës së sotme në Berat, k...
Tiranë- Gudar Beqiraj, ish-kreu i Akademisë së Shkencave është ndarë nga jeta ditën e sotme. Në vitin 2017 teksa ka qenë në krye të këtij institucioni, mes tij ...
TIRANE- Sekuestrohet pasuria e dy vëllezërve Shkëlzen dhe Edmond Hoxha. Operacioni “Investimi” është mbyllur me sekuestrimin e pasurisë rekord prej 3.7 milionë ...
KORCE- Babë e bir janë arrestuar në fshatin Mborje, pasi janë kapur duke prerë dhe transportuar dru pa leje. Policia njofton se A.D., 60 vjeç dhe A.D., 2...
Shkodër- Ditën e somte Ministria e Shëndetësisë njoftoi se gjatë 24 orëve të fundit janë konfirmuar 4 raste të reja me COVID-19. Burime për Dosja.al bëjnë me di...
TIRANË- Shqipëria provon ulje të numrit të rasteve të të infektuarve me koronavirus. Ditën e sotme, MSH ka njoftuar se janë vetëm 4 raste të reja me COVID,...
Tiranë- Ndahet nga jeta në ditën e tij të lindjes, ish-kreu i Akademisë së Shkencave, Gudar Beqiraj. Ai është ndarë nga jeta në moshën 72-vjeçare. “Famil...
Tiranë- Botuesi Nikollë Lesi ka deklaruar së fundmi se 29 vite më parë u botua numri i parë i gazetës “Koha Jonë”, e para gazetë private në Shqipëri pas rënies ...
Korçë- Tregtarët e rrobave të përdorurua në Korçë dhe në Lezhë janë ngritur në protestë ditën e sotme, pasi nuk lejohen që të ushtrojnë aktiviteti...