Aktualitet

Si në mesjetë/ I hipën mushkës dhe zbret në Librazhd për të blerë ilaçet, historia e trishtë e të moshurës, teksa ha

5 Maj 2020, 10:53 Nga DOSJA
Si në mesjetë/ I hipën mushkës dhe zbret në Librazhd

Librazhd– Mungesa e ilaçeve dhe ushqimeve e ka detyruar këtë 72- vjeçare të udhëtojë si në mesjetë me mushkë nga fshati Qafë Dardhë, për në Librazhd. Ajo u lodh shumë gjatë rrugës. Pasi mori ilaçet në qytet u ul në tokë për t’i pirë. Vule Poçi me të mbaruar punë vazhdoi rrugën duke ecur me vështirësi në këtë urë të amortizuar. U rikthye në dalje të qytetit të Librazhdit ku kishte lidhur mushkën.

“Mirë do të ishte të kishte një furgon, por e kanë hequr, ka tre muaj. S’kishte kush të mi sillte ilaçet, bënin 40 mijë lekë, por 20 i mora dhe 20 për herë tjetër se nuk kisha mundësi”, u shpreh ajo.

Teksa pushon pak dhe ha bukë me gjizë tregon për sëmundjet dhe vështirësitë me të cilat po përballen familjarët e saj.

“Kam një djalë të sëmurë në shtëpi. Dy fëmijë i ka jetim. Presim që të ndahen pensionet që të marrim diçka”, u shpreh ajo. Nënë Vulen e shoqëronte nusja e djalit që ka ndërruar jetë. “S’kemi ushqime, s’kemi asgjë”, thotë nusja e djalit. Pasi ngarkuan me ushqime mushkën dy gratë u nisën sërish për në fshat përmes një shtegu të vështirë.

Marrë nga Abc news 

J.V/Dosja.al

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet historia e trishtë e të moshurës vule poçi historia e trishtë e të moshurës vule poçi

Sondazh

Poll