Bota

Pas marrëveshjes, Thaçi vepron menjëherë, i kërkon Mustafës emrin për kryeministër

29 Prill 2020, 11:21 Nga DOSJA
Pas marrëveshjes, Thaçi vepron menjëherë, i kërkon

Kosovë– Presidenti i Kosovës, Hashim Thaçi i ka kërkuar edhe një herë liderit të Lidhjes Demokratike të Kosovës, Isa Mustafa, që të dërgojë emrin e politikanit potencial për kryeministër, me qëllimin që të formohet sa më shpejt qeveria e re në Kosovë. Në letrën e Presidentit Thaçi theksohet se Isa Mustafa duhet të dërgojë sa më shpejt emrin në Presidencë, dhe kjo do të shmangë sipas tij edhe zgjedhjet e parakohshme në vend.

”Në përputhje me mandatin tim kushtetues dhe në respektim të Aktgjykimit të Gjykatës Kushtetuese në rastin nr. K0103/14, me qëllim të shmangies së zgjedhjeve të parakohshme, ruajtjes së stabilitetit të vendit dhe në përputhje me urgjencën për t’i dhënë vendit Qeveri të re me legjitimitet nga Kuvendi i Republikës së Kosovës, në përputhje me Kriteret Mbizotëruese për formimin e Qeverisë së re, luteni edhe një herë, që pa humbur kohë, të propozoni mandatarin potencial për formimin e Qeverisë së Republikës së Kosovës, i cili duhet të sigurojë se do ta ketë numrin e duhur të votave në Kuvendin e Kosovës dhe të zotohet se do të krijojë Qeveri stabile dhe gjithëpërfshirëse”, thuhet në letrën e Presidentit Thaçi dërguar Kryetarit të LDK-së.

Mesditën e sotme është arritur marrëveshja mes LDK-së dhe AAK-së, për qeverisë e re në Kosovë. Lajmin e dha kreu i AAK’së, Ramush Haradinaj, ku u shpreh se partia e tij ka marrë  marrë Ministrinë e Drejtësisë, Arsimit, të Punëve të Jashtme dhe të Zhvillimit Ekonomik.

J.V/Dosja.al

1 vit nga zgjedhjet e 25 prillit si e shikoni gjendjen e vendit:

View Results

rajoni rajoni hashim thaci hashim thaci

Sondazh

Poll