Aktualitet

Vdiq në spitalin “Shefqet Ndroqi”, Ministria: I moshuari ishte pa shenja të COVID-19

15 Prill 2020, 13:38 Nga DOSJA
Vdiq në spitalin “Shefqet Ndroqi”, Ministria: I moshuari ishte

TIRANË- Një pacientë i prekur i sjellë në gjendje të rëndë nga Shkodra, ka ndërruar jetë sot në spitalin “Shefqet Ndroqi” në Tiranë. Ministria e Shëndetësisë në një njoftim për mediat ka bërë me dije se i moshuari nuk kishte shenja të COVID-19, dhe shkaku i vdekjes nuk është virusi. Sipas ministrisë, 82-vjeçari ka humbur jetën si pasojë e tromboembolisë pulmonare, trombozë e venës porta, trombozë e venës renale dhe absesi subdiafragmal.

NJOFTIMI I PLOTË

Pacienti që ka ndërruar jetë në spitalin universitar “Shefqet Ndroqi” 82-vjeç nga Shkodra, ka humbur jetën si pasojë e tromboembolisë pulmonare, trombozë e venës porta, trombozë e venës renale dhe absesi subdiafragmal. I moshuari është sjellë në gjendje të rëndë nga spitali i Shkodrës dy ditë më parë dhe ishte pa shenja të COVID19.

Referuar spitalit “Shefqet Ndroqi”, pacienti nuk ka ndërruar jetë si pasojë e COVID19, pasi ishte asimptomatik për këtë sëmundje, por si pasojë tromboembolisë pulmonare. Ministria e Shëndetësisë informon se do të mbajë të informuar publikun për çdo zhvillim, ndaj lutemi t’i referoheni njoftimeve zyrtare”.

Shqipëria vijon luftën me COVID-19. Deri më tani janë infektuar 494 persona, 25 pacientë kanë humbur jetën dhe 251 të tjerë kanë fituar betejën me COVID-19. Mëngjesin e sotëm ka humbur jetën në spitalin infektiv një pacient 90-vjeç nga Fieri. 

(A.B. Dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet koronavirusi ne shqiperi masat kunder covid 19 ministria e shendetesise viktimat e covid ne shqiperi koronavirusi ne shqiperi masat kunder covid 19 ministria e shendetesise viktimat e covid ne shqiperi

Sondazh

Poll

MË SHUMË