TIRANË- Kryetari i Partisë Zgjidhja, Koço Kokëdhima ka komentuar Kongresin e socialistëve, i cili u zhvillua ditën e sotme në Pallatin e Kongreseve, ku më pas socialistët dhe delegatët u transferuan në Sheshin Nënë Tereza.
Në një postim në “Facebook”, Kokëdhima shprehet se PS-ja është një parti autokratike, ku sulltani i Rilindjes, që sot, në mes të kongresit, bëri edhe një megashow te ‘Nënë Tereza’ për të prezantuar shërbëtorin e tij në krye të bashkisë së Tiranës për një mandat tjetër shkatërrimtar për Tiranën. Sipas Kokëdhimës Kongresi i sotëm i PS vetëm sa e parfumosi kufomën e saj.
Reagimi i Koço Kokëdhimës
Rilindja mblodhi Kongresin në Tiranë. E quajti elektoral, sepse gjoja do të përcaktonte kandidatët për kryetarë bashkie, kur edhe çiliminjtë e dinë se kandidatët nuk dalin nga anëtarësia, por nga xhepi i kryetarit. Por kështu vendosi sulltani i Rilindjes, që sot, në mes të kongresit, bëri edhe një megashoë te ‘Nënë Tereza’ për të prezantuar shërbëtorin e tij në krye të bashkisë së Tiranës për një mandat tjetër shkatërrimtar për Tiranën, të mbushur me njerëz të sjellë aty forcërisht dhe të kërcënuar me bukën e gojës. Harxhoi mbi gjysëm milioni euro për një tallje publike me Tiranën, në sheshin që mban emrin e humanistes së madhe shqiptare, kur qindra mijëra shqiptarë nuk kanë bukë në tryezat e tyre, të zhytur në skamje dhe mizerje nga mungesa e qeverisjes së përgjegjshme.
PS-ja është një parti autokratike, e kapur dhe e kriminalizuar në çdo nivel të saj, mburojë e oligarkisë dhe mafies së krimit dhe korrupsionit, armike e lirisë dhe sovranitetit të popullit. PS ka vdekur. Misioni i saj dhe i elitës së sotme politike ka mbaruar. Kongresi i sotëm nuk kontribuoi për asgjë, e thelloi krizën që ka pllakosur parlamentin dhe sistemin politik. Vetëm partia ZGJIDHJA ka alternativë. Ajo ka propozuar paktin e madh kombëtar gjithëpërfshirës për zgjidhjen e krizës së rëndë të sistemit politik, sistemit zgjedhor dhe institucioneve kushtetuese të Shqipërisë. Kongresi i sotëm i PS vetëm sa e parfumosi kufomën e saj.
E kisha paralajmëruar katër vite më parë shkatërrimin të PS-së nga sekti i Rilindjes, rrëmbimin e të gjitha kompetencave të forumeve dhe anëtarësisë nga një njeri i vetëm. Në 2 prill 2017 deklarova se Rama po e çon PS-në në humnerë dhe Shqipërinë në destabilizim, ato fjalë që sot socialistë të vjetër si Arta Dade po i artikulojnë përditë. Asokohe kërkova që PS të çlirohej nga Edi Rama dhe të bëhej parti e përgjegjshme, të shtynte për në vjeshtë zgjedhjet parlamentare që ishin parashikuar më 18 qershor dhe të kontribuontr për një kod të ri zgjedhor, kërkesa që janë kaq aktuale sot.
Ditën e sotme, Partia Socialiste ka mbledhur Kongresin.(Lexo këtu) Në këtë kongres u bë rikonfirmimi i kryetarit të bashkisë Tiranë, Erion Veliaj dhe i kryebashkiakëve të tjerë socialistë që do të garojnë sërish në zgjedhjet lokale 2019.
(a.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Ish-kryeministri Sali Berisha, ka reaguar lidhur me përgjimet e reja të publikuara nga ish-deputeti i Partisë Demokratike, Ervin Salianji. (Lexo kë...
TIRANË- Përveç deklaratave propagandistike dhe politike që zaptuan fjalimin e kryeministrit Edi Rama, shefi i qeverisë dha edhe premtime politike. R...
TIRANË- Kreu i PD-së, Lulzim Basha në një intervistë për të përditshmen italiane “Il fatto quotidiano” ka folur lidhur me situatën politike në vend.Sipas B...
Tiranë- Me deklarata të forta e ka nisur garën për kreun e Bashkisë Tiranë, Erion Veliaj. Ai u shpreh se nuk janë aspak të vërteta lajmet që kanë dalë, se mes ...
Tiranë- Kreu i Bashkisë së Tiranës Erion Veliaj ka deklaruar nga sheshi ” Nënë Tereza” ku ndodhen shumë socialistë, se ai dhe Edi Rama janë sot më bashkë se ku...
Tiranë- Deputeti i PS-së Ervin Bushati nuk ka munguar sot në mitingun e kreut të Bashkisë Tiranë, Erion Veliajt. I veshur me këmishë të bardhë dhe me syze diell...
TIRANË– Mes flamujve kuqezi dhe mijra mbështetsve, PS zhvilloi për tetë orë rrjesht Kongresin e Socialistëve. Gjatë punimeve të Kongresit u konfirmua Velia...
TIRANË- Pas deklaratës së presidentit Ilir Meta, i cili tha tre ditë më parë se ishte i gatshëm të digjte mandatin e presidentit për të mos lejuar që të in...
TIRANË- Kryeministri Edi Rama në fjalën para qytetarëve të mbledhur në sheshin “Nënë Tereza” ka ironizuar kreun e opozitës, Lulzim Bashën dhe nismën e tij ...
TIRANE– Kryeministri Edi Rama pranon për herë të parë opsionin e zgjedhjeve të parakohshme, por vetëm në rast se opozita arrin të fitojë një bashki më shumë në ...