Bota

I mbijetoi gripit spanjoll, 104-vjeçari mposht dhe Covid-19! Bëhet personi më i vjetër në botë që i mbijeton virusit vdek

3 Prill 2020, 11:00 Nga DOSJA
I mbijetoi gripit spanjoll, 104-vjeçari mposht dhe Covid-19! Bëhet

SHBA– Një burrë 104-vjeçar, i cili i mbijetoi Luftës së Dytë Botërore dhe pandemisë së Gripit Spanjoll, besohet të jetë i mbijetuari më i vjetër nga koronavirusi në botë.

Bill Lapschies, i cili lindi në Salem në vitin 1916, shfaqi për herë të parë simptoma të lidhura me virusin vdekjeprurës Covid-19, më 5 mars. Ai u fut shpejt në izolim në Shtëpinë e Veteranëve të Edward C Allworth në Liban, Oregon, ku aktualisht banon.

Ai ishte një nga dy banorët e parë në shtëpi që rezultoi pozitiv me koronavirus. Tjetri, një burrë rreth të 90-ave ndërroi jetë.  Shtëpia e Veteranëve të Edward C Allworth deri më tani ka raportuar 16 raste me Covid-19 midis banorëve të saj. Tetë janë rikuperuar, një nuk ka simptoma, dy janë në një gjendje të rëndë, dhe dy kanë vdekur. Tri të tjerët janë të qëndrueshëm.

Lapschies kishte kontraktuar një rast ‘të moderuar’ të koronavirusit, sipas mjekut të tij, doktor Rob Richardson, por kurrë nuk kishte zhvilluar problemet e rënda të frymëmarrjes.

Më 1 Prill, Lapschies festoi ditëlindjen e 104-të të tij në institucion me familjen. Me maskë mbrojtëse të fytyrës blu të zbehtë dhe i ulur në karrocën e tij, mbesa e Lapschies Jamie Yutzie e pyeti 104 vjeçarin se si e mundi koronavirusin.

“Nuk e di. Thjesht iku. Uluni këtu dhe mund të shpëtoni nga çdo gjë.”– ishte shprehur i moshuari.

Pasi mbijetoi së pari Gripi Spanjoll i 1918 që preku rreth 100 milion njerëz në të gjithë botën, Lapschies më pas iu desh të duronte Depresionin e Madh të viteve 1930, i cili filloi në SH.B.A. Pastaj, më 1939, Lapschies u martua me Alamadean ‘Deanie’ Buetell, me të cilin kishte dy vajza. Ata qëndruan të martuar derisa bashkëshortja e Lapschies vdiq në vitin 2001. Vajza e tij Carolee Brown e përshkroi babanë e saj si ‘një burrë të mrekullueshëm’.

Lapschies është një nga ato të moshuarit me fat. Duke folur statistikisht, Covid-19 është veçanërisht i rrezikshëm për personat e moshuar, sidomos me ata që kanë probleme shëndetësore. Lapschies i bashkohetgrupit të të mbijetuarve më të vjetër në botë Covid-19. Zhang Guangfen, një gjyshe 103-vjeçare në Kinë, u shërua nga Covid-19 pas një trajtimi gjashtë-ditor në Ëuhan. Gjithashtu një grua 103-vjeçare pa emër në Iran u shërua pasi u shtrua në spital në qytetin qendror të Semnan për rreth një javë.

Burimi: DailyMail

R.L/Dosja.al

 

1 vit nga zgjedhjet e 25 prillit si e shikoni gjendjen e vendit:

View Results

bota bota 104 vjecari mposht covid 19 bill lapschies covid-19 koronavirusi 104 vjecari mposht covid 19 bill lapschies covid-19 koronavirusi

Sondazh

Poll

Bota 3 Prill 2020, 10:27

SHBA- Bisedë me znj .Armida Bahja-Hoxha nga Huston i Texasit në SHBA Infermierja Armida Bahja-Hoxha e cila është në javën e fundit të muajit të nëntë vazhdon t’...

MË SHUMË