Bota

Rrezikoi jetën për ta parë në grahmat e fundit, humb nënën me Covid-19, djali britanik pëson ‘shok’: Ishte torturë,

27 Mars 2020, 09:38 Nga DOSJA
Rrezikoi jetën për ta parë në grahmat e fundit, humb

BRITANI– Një djalë i pikëlluar ka përshkruar sot ‘torturën e tij’ teksa shikonte nënën e tij në grahmat e fundit të jetës, për shkak të koronavirusit. Michael Hardy, 47 vjeç, vëzhgoi nënën e tij 83-vjeçare Rachael të vdiste në Spitalin Northwich Park, Harrow, pasi virusi vrasës shkatërroi mushkëritë e saj dhe e la pa frymë.

Zonja Hardy, një ish-infermiere që vuante me astmë kronike, kishte luftuar me guxim koronavirusin që nga 10 marsi, por gjendja e saj u përkeqësua dhunshëm javën e kaluar dhe ajo u nda nga jeta, duke mos e përballuar më tej virusin e ashpër.

Djali i saj Michael ishte me të kur vdiq dhe i tha Sun Online: “Ishte si mbytje deri në vdekje, nuk mund të marrësh frymë. Thjesht ndodhi kaq shpejt, ajo po keqësohej para nesh.”

Vëllai i tij Angelo, 56 vjeç, shtoi: “Ishte torturë e pastër. Mamaja po përpiqej të na tregonte shumë gjëra, por ajo nuk mund të fliste, ajo po mundohej. Unë mendoj se ajo ishte në dijeni të asaj që po ndodhte.”

Rachael, i cila jetonte e vetme në Eastcote, në veri-lindje të Londrës, së pari vuajti nga një kollë dhe ethe. Vetëm katër ditë më vonë, ajo ra në dysheme dhe nuk mund të ngrihej, duke çuar që djali i saj ta gjente pranë shtratit të saj 72 orë më vonë. Ajo u dehidrua rëndë dhe u dërgua përsëri në spital, ku të enjten, më 19 mars, u diagnostikua me koronavirus. Ajo vdiq të nesërmen.

Djali i saj Michael, i cili drejton një kompani telefonike, mendoi se nëna e tij do të ishte në rregull deri në fund. Dhe e përshkroi vdekjen e saj si një ‘shok’.

Michael arriti të bindte stafin e spitalit për t’i lejuar atij pajisje të plota mbrojtëse, të cilat ai e përshkroi si një “kostum hapësinor”, në mënyrë që të shikonte nënën e tij në momentit e fundit të jetës.

Michael mendoi se për shkak se nëna e tij ‘e lumtur dhe e dashur’ kishte mbijetuar në një edukim të vështirë, bomba të rënda gjatë Luftës së Dytë Botërore dhe një operacion me terroristët qipriotë, ajo do të ishte në rregull dhe do ta përballonte dhe koronavirusin.

Pas lajmit të trishtë të ndarjes nga jeta të nënës së tyre, dy vëllezëri Michael dhe Angelo po izolohen së bashku në Harmondsëorth, Hillingdon, larg familjeve dhe fëmijevë të tyre.

Burimi: DailyMail

R.L/Dosja.al

1 vit nga zgjedhjet e 25 prillit si e shikoni gjendjen e vendit:

View Results

bota bota covid-19 koronavirusi ne britani michael hardy covid-19 koronavirusi ne britani michael hardy

Sondazh

Poll

MË SHUMË