Aktualitet

24 Mars 2020, 09:46 Nga DOSJA

TIRANË- Policia e Shtetit ka ndëshkuar jo pak qytetarë të cilët kanë thyer masat e vendosura për të evituar përhapjen e koronavirusit në Shqipëri. Vetëm përgjatë 24 orëve të fundit, PSH njofton se ka arrestuar 2 persona, njëri prej të cilëve, shpërndarës kanabisi dhe kokaine, i cili u kap teksa lëvizte në këmbë në zonën e Komunës së Parisit. I dyti, A. Ç., 48 vjeç, banues në Poliçan, pasi u kap duke i dhënë makinës i dehur. 85 këmbësorë janë gjobitur me 10.000 lekë gjobë, 109 shoferëve iu është hequr patenta dhe u është bllokuar makina, si dhe 15 lokale janë gjobitur me 100.000 lekë gjobë.

NJOFTIMI I PLOTË:

Policia e Shtetit Strukturat e Policisë kanë vijuar kontrollet në të gjithë territorin, në zbatim të masave kufizuese të shpallura nga qeveria shqiptare, për vënien në kontroll të pasojave që sjellin përhapjen e COVID-19. Gjatë 24 orëve të fundit janë arrestuar në flagrancë 2 shtetas:

– Në Tiranë është arrestuar në flagrancë shtetasi R. M., 30 vjeç, banues në Tiranë, pasi është konstatuar gjatë orarit të kufizimit të lëvizjes, duke lëvizur në këmbë në zonën e “Komunës së Parisit” dhe ka kundërshtuar punonjësit e Policisë, duke mos dhënë arsyen e lëvizjes. Gjatë kontrollit fizik iu gjetën në trup disa doza me lëndë të dyshuar narkotike cannabis sativa dhe kokainë, të cilat i shpërndante në këtë zonë.

– Në Berat u arrestua në flagrancë shtetasi A. Ç., 48 vjeç, banues në Poliçan, pasi u kap nga shërbimet e Policisë duke drejtuar automjetin në gjendje të dehur, në kundërshtim me urdhrin për ndalimin e qarkullimit.

Në të gjithë vendin janë ndëshkuar me masë administrative 10.000 lekë, 85 shtetas, të cilët u konstatuan nga shërbimet e Policisë duke lëvizur në këmbë apo me biçikleta, pa ndonjë arsye apo emergjencë.

Po gjatë 24 orëve të fundit në të gjithë vendin, janë evidentuar 109 drejtues mjetesh që kanë shkelur urdhrin e ndalim qarkullimit, të cilët janë ndëshkuar me heqje të lejes së drejtimit dhe bllokim mjeti, në zbatim të Aktit Normativ Nr. 3, datë 15.03.2020 ”Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga virusi COVID-19″. Në të gjithë vendin janë konstatuar 15 lokale që nuk kanë respektuar orarin e mbylljes dhe ndaj administratorëve është marrë masë administrative 100.000 lekë për secilin.

Policia e Shtetit apelon për të gjithë qytetarët që të respektojnë masat kufizuese, të mos lëvizin as në oraret e lejuara pa ndonjë arsye, ndërsa pensionistët nuk lejohen në mënyrë kategorike të dalin nga banesa. Strukturat e Policisë vijojnë kontrollet dhe monitorimet pa ndërprerë, me qëllim zbatimin e masave në funksion të parandalimit të COVID-19.

Shqipëria është futur në një karantinë totale nga jugu në veri që prej prekjes nga COVID-19. Qytetarëve iu është urdhëruar që të qëndrojnë brenda. Transporti publik është mbyllur, ndërsa supermarketet, farmacitë dhe çdo aktivitet tjetër jetik, funksionon me orar të kufizuar nga ora 05:00 deri në orën 13:00. Kushdo që thyen këto rregulla përballet me gjoba, heqje të patentës, dhe kryeministri ka paralajmëruar se do të përdoret edhe gazi lotsjellës. Ai bëri thirrje për respektimin e masave ndryshe do të vihet në zbatim “ligji i luftës”.

(F.g/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet koronavirusi ne shqiperi levizja e kembesoreve plani i masave per covid-19 koronavirusi ne shqiperi levizja e kembesoreve plani i masave per covid-19

Sondazh

Poll

MË SHUMË