Tiranë- Kreu i KMSH-së, Bujar Spahiu u ka dërguar sot një mesazh të gjithë shqitarëve, pas përpahjes së COVID-19, ku shprehet se duhet të tregohen të duruar, me qëllimin që këtë sporvë ta kalojmë me sukses. Ai shprehet se jeta është e shenjtë dhe ajo duhet mbrojtur.
“Durimi është cilësi e besimit tonë! Më të sprovuarit ndër njerëzit kanë qenë profetët e Zotit. Ata i kanë kaluar me sukses sprovat e tyre të vështira. Edhe ne na këshillon Zoti që të ndjekim shembullin e tyre. Ne nuk jemi vetëm në këto ditë të “jashtëzakonshme” që po kalojmë. Në këto ditë, përveç zbatimit me përpikmëri të rregullave që na porositin mjekët, unë ju lutem që t’i përdorim edhe për të përfituar shpirtërisht prej tyre me lutje dhe durim.”- shprehet kreu i KMSH, Bujar Spahiu.
Mesazhi i plotë:
Motra dhe vëllezër, ashtu si e gjithë bota, edhe vendi ynë, është duke kaluar një sprovë ditët e fundit për shkak të virusit COVID-19! Të gjithë e dimë se sprovat kërkojnë durim!
Durimi është cilësi e besimit tonë! Më të sprovuarit ndër njerëzit kanë qenë profetët e Zotit. Ata i kanë kaluar me sukses sprovat e tyre të vështira. Edhe ne na këshillon Zoti që të ndjekim shembullin e tyre. Ne nuk jemi vetëm në këto ditë të “jashtëzakonshme” që po kalojmë. Në këto ditë, përveç zbatimit me përpikmëri të rregullave që na porositin mjekët, unë ju lutem që t’i përdorim edhe për të përfituar shpirtërisht prej tyre me lutje dhe durim. Jeta e çdo njeriu është e shenjtë dhe ne jemi të obliguar të mbrojmë shenjtërinë e jetës si një amanet i dhënë nga Zoti. Ky virus nuk përhapet vetvetiu, por jemi ne që e përhapim me kontaktet që kemi me njëri-tjetrin në rrugë apo në ambiente të ndryshme. Fatkeqësisht mënyra e vetme për ta parandaluar, sipas ekspertëve të mjekësisë është qëndrimi në shtëpi, duke respektuar udhëzimet e autoriteteve, me shpresë që kjo situatë të kalojë sa më shpejt.
Natyrisht kjo situatë e jashtëzakonshme ka nevojë edhe për një solidarizim të jashtëzakonshëm me të gjithë njerëzit në nevojë, duke filluar nga njerëzit tanë më të afërm, komshinjtë dhe më gjerë. Ta shprehim dashurinë për prindërit tanë dhe të afërmit e moshuar, duke u shërbyer atyre dhe duke u plotësuar të gjitha nevojat pa patur nevojë që të dalin nga banesat e tyre.
Duke falënderuar të gjithë mjekët dhe infermierët që janë në frontin e parë të kësaj beteje për punën dhe sakrificën e tyre, lusim Zotin për shërim sa më të shpejtë për gjithë të sëmurët! E lusim Zotin të na bëjë solidarë dhe të dashur me njëri-tjetrin në këto ditë! E lusim Zotin që kjo situatë të kalojë sa më shpejt!
Numri i prekurve me Covid-19 në vendin tonë ka shkuar në 79, ndërsa në 2 ai i të shëruarve. Mes të infektuarve kanë humbur jetën dy persona. Po kështu, 9 prej të infektuarëve janë mjekë dhe infermierë, një nga Spitali i Durrësit dhe të tjerët nga spitali “Shefqet Ndroqi”. Vatra e të infektuarve është zgjeruar në Tiranë, Rrogozhinë, Elbasan, Durrës, Lushnje, Fier dhe Kavajë. Jeta në vend është paralizuar thuajse totalisht, nuk ka transport publik. Qytetarët lëvizin në dy orare, vetëm në orarin 05:00 të mëngjesit deri në 13:00 të mesditës. Në shërbim të shtetit do të jenë edhe spitalet private gjatë periudhës së emergjencës dhe kush nuk bindet do ketë gjobë deri në 5 milionë Lekë. E vetmja këshillë e përbashkët e institucioneve dhe mjekëve është që qytetarët të qendrojnë në shtëpi dhe të kenë sa më pak kontakte me të tjerët.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
Tiranë- Kryeministri Edi Rama ka njoftuar se për të mos ngarkuar 127- tën, numrin e urgjencës kombëtare, qytetarët të telefonojnë në numrin 0800 40 40 për sqar...
Tiranë- Pak minuta më parë Policia dhe ushtria kanë nisur një aksion, ku po shërndajnë qytetarët në tregun e Kombinatit, pasi në këtë treg ka një dyndje të madh...
Gjirokastër- Qytetarët shqiptarë prej më shumë se një javë janë vetëizoluar, pas përhapjes së COVID-19.Por çfarë ndodh në oraret ku lejohet që ata të dal...
GREQI- Një shqiptar në moshën 35-vjeçare ka humbur jetën në Greqi, pasditen e së premtes, gjatë një aksidenti në punë.Bëhet me dije se shqiptari, punonte...
Durrës- Kavalishenca e Durrësit është kthyer në një karantinë për të infektuarit me COVID-19. Burime për Dosja.al bëjnë me dije se dy persona të infektuar me ko...
Tiranë- Policia e Shtetit në 24 orët e fundit u ka hequr patentën 98 shoferëve dhe u ka bllokuar mjetet e tyre, pasi kanë shkelur urdhrin e ndalim-qarkullimit ...
Tiranë- Qytetarët në të gjithë vendin, që prej mëngjesit të sotëm kanë dalë nga banesat për të blerë ushqime dhe ilaçe, pasi afati i lejuar nga qeveria p...
Tiranë- Kur e gjithë bota po përjeton momente të tmerrshme për shkak të COVID-19, dhe teksa përsëritet thirrja që qytetarët të rrinë në shtëpi, kjo është pamja ...
TIRANË- 76 të infektuar nga koronavirusi në Shqipëri. 6 raste të reja janë shënuar gjatë 24 orëve të fundit, 5 në Tiranë dhe 1 në Fier, (përfshirë këtu ras...
TIRANË– Shqiptarët ende nuk janë të vetëdijshëm për rrezikun e përhapjes së koronavirusit, COVID-19. Pamjet që vijnë nga Tirana, Vlora, Fieri, Gjirokastra,...