Politike

“Mos shkoni në spital nëse s’keni emergjencë, qëndroni në shtëpi dhe telefonin 127”, Manastirliu sërish thirrje qyt

16 Mars 2020, 12:07 Nga DOSJA
“Mos shkoni në spital nëse s’keni emergjencë,

TIRANË– Ministrja e Shëndetësisë Ogerta Manastirliu u ka bërë sërish thirrje qytetarëve që të qëndrojnë në shtëpi. Në një status në Facebook, Manastirliu shkruan se në spitale nuk duhet shkuar pa pasur emegjencë shëndetësore dhe se fillimisht duhet telefonuar numri 127 nëse keni shenja të Covid-19.

 “Zbatimi i vendimit për qëndrimin në shtëpi duhet ndjekur nga të gjithë! Duket e vështirë por është thjesht të bësh më të mirën, për veten dhe kë të rrethon! Personeli mjekësor është në krye të detyrës si çdo ditë, por që t’u shërbejë qytetarëve, duhet të zbatohet rregulli që të mos drejtohemi në spitale pa patur urgjencë shëndetësore dhe nëse keni shenja të Covid-19 të telefoni Urgjencën Kombëtare në numrin 127 dhe të ndiqni udhëzimet që do ju jepen! Sjellja individuale është thelbësore në kufizimin e përhapjes së Covid-19 ndaj kërkojmë bashkëpunimin e secilit prej jush,”- shkruan Manastirliu në status.

Bilanci i COVID-19 në Shqipëri ka shkuar në 51 të prekur. Shkon në 7 numri i mjekëve dhe infermierëve të infektuar, nga Spitali i Durrësit dhe spitali “Shefqet Ndroqi”. Disa ditë më parë një prej të prekurve, ndërroi jetë në Spitalin e Durrësit ndërsa deri më tani vatra e të infektuarve është zgjeruar në Tiranë, Rrogozhinë, Elbasan, Durrës, Lushnje dhe Fier. Ndërkohë jeta në vend është paralizuar thuajse totalisht, nuk ka transport publik, po ashtu dhe shumë vende punë janë mbyllur. Shumë qytete janë në ‘shtet-rrethim’ dhe është ndaluar dhe lëvizja e makinave private. Rama iu bëri thirrje spitaleve private për t’ju bashkuar shërbimit shëndetësor publik. Ai paralajmëroi se do të gjobiten me 5 mln lekë spitalet që mund të refuzojnë këtë thirrje dhe bizneset që rritin çmimet. E vetmja këshillë e përbashkët e institucioneve dhe mjekëve është që qytetarët të qendrojnë në shtëpi dhe të kenë sa më pak kontakte me të tjerët.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike koronavirusi ne shqiperi ogerta manastirliu plani i masave per covid-19 viktimat e koronavirusit ne shqiperi koronavirusi ne shqiperi ogerta manastirliu plani i masave per covid-19 viktimat e koronavirusit ne shqiperi

Sondazh

Poll

Politike 16 Mars 2020, 11:59

TIRANE- Kryeministri Edi Rama njofton se do të ketë një komunikim sot pasdite me presidenten e KE-së, Ursula Von Der Leyen, duke e shtyrë në orën 18:30 mesazhin...

MË SHUMË