Bota

Protestat në Ballkan/ BE: Jo dhunë, ndryshimet vijnë përmes proceseve demokratike

20 Mars 2019, 07:34 Nga DOSJA
Protestat në Ballkan/ BE: Jo dhunë, ndryshimet vijnë përmes

Komisioneri për zgjerim i Bashkimit Evropian, Johanes Hahn, deklaroi të martën në Bruksel se mbështet plotësisht të drejtën e protestave dhe lirinë e shprehjes në Ballkanin Perendimor, mirëpo tha se e “dënon dhe është e papranueshme çdo lloj i dhunës”.

Ai i porositi vendet e rajonin se “ndryshimet politike mund të bëhen vetëm përmes proceseve demokratike”, përfshirë zgjedhjet dhe se Bashkimi Evropian nuk do të jetë arbitër në atë se kush do të jetë në pushtet.

Ata që kërkojnë prej nesh që të sigurojmë diku sundimin e ligjit, janë të njëjtit që besojnë se ne mund të hyjmë si forcë ushtarake të përjashtojmë qeverinë aktuale dhe të zëvëndësojmë atë me një tjetër. Ne nuk e kuptojmë kështu sundimin e ligjit, demokracinë dhe transparencën.

Komisionari për zgjerim i Bashkimit Evropian, Johanes Hahn

Në emër të institucioneve të Brukselit, ai u zotua se do të vazhdojnë të mbrojnë parimet evropiane, por e refuzoi dhunën si një mjet politik.

Komisioneri për Zgjerim, Johanes Hahn, së bashku me përfaqësuesen e lartë, Federica Mogherini takuan në Bruksel kryeministrin e Maqedonisë së Veriut, Zoran Zaev, raporton REL.

Shefja e Diplomacisë Evropiane, Federica Mogherini, theksoi se shembulli i Maqedonisë së Veriut duhet të shërbejë si një motiv për vendet tjera në rajon.

Disa vende të Ballkanit: Serbia, Mali i Zi dhe Shqipëria, janë përfshirë nga protestat antiqeveritare. Të shtunën në Beograd, protestuesit hynë me forcë në objektet e Radio Televizionit të Serbisë duke nxitur reagimin e policisë dhe arrestimin e disa prej protestuesve.

Presidenti i Serbisë, Aleksandar Vuçiç tha një ditë më pas se nuk do të lejojë kërcënime përmes dhunës.

(a.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

rajoni rajoni bruksel federica mogherini johanes hahn protestat ne ballkan zoran zaev bruksel federica mogherini johanes hahn protestat ne ballkan zoran zaev

Sondazh

Poll

MË SHUMË