ITALI- Konsullata Shqiptare në Bari ka reaguar sërish sot në lidhje situatën e koronavirusit. Në një njoftim për mediat, Konsullata bën me dije kanë ndërprerë shërbimet, me përjashtim të akteve noteriale dhe leles së kalimit për fëmije. Më tej në njoftim se ftojmë të gjithë qytetarët të përballojnë këto momente me përgjegjësi të lartë civile, duke respektuar rreptësisht dhe me rigorozitet masat e Dekretit, me besim të plotë tek autoritet italiane.
NJOFTIMI I PLOTË
Në vijim të Dekretit të Keshillit të Ministrave të Republikës Italiane nr.14 të datës 9.3.2020, për intensifikimin e mëtejshem të masave urgjente për të parandaluar përhapjen e COVID-19, në të gjithë territorin italian, Ambasada e Shqipërisë njofton se Zyra e saj Konsullore si dhe Konsullatat e Përgjithshme në Milano e Bari, ndërpresin shërbimet konsullore duke filluar nga dita e sotme, 10 mars 2020, deri në një njoftim të dytë. Shërbimet konsullore (me përjashtim të akteve noteriale dhe lejes së kalimit për fëmijë) do të vijojnë të jenë në dispozicion të qytetarëve nëpërmjet postës, si edhe vetëm për rastet urgjente (si leja për transport trupi, bazuar mbi çertikatën mjekësore të autoriteteve kompetente). Qytetarët që kanë takim për aplikim për pasaportë dhe letërnjoftim gjatë këtyre ditëve, do të njoftohen në një moment të dytë për datën e re të takimit, sapo situata të normalizohet. Ju ftojmë të kontrolloni vazhdimisht profilin tonë në Facebook, tëitter dhe faqet tona zyrtare për njoftime të reja.
Duke marre shkas nga situata serioze për nga rreziku dhe pasojat, ftojmë të gjithë qytetaret të perballojnë këto momente me pergjegjësi të lartë civile, duke respektuar rreptësisht dhe me rigorozitet masat e Dekretit, me besim të plotë tek autoritet italiane. Ambasada e Shqipërisë në përputhje me dekretin në fjalë, rekomandon qetësi, maturi dhe shangie të lëvizjeve drejt çfardo destinacioni, përfshirë Shqipërinë, deri në normalizimin të gjendjes. Së bashku me punën e palodhur të autoriteteve italiane do t’ia dalim mbanë! Kapërcimi i situtës varet nga sjellja e përgjegjshme e çdo qytetari. Ambasada fton qytetaret shqiptarë të japin shembullin personal duke iu bashkuar thirrjes së qeverisë italiane dhe shoqerisë civile “Unë rri në shtëpi”. Besim e kurajo civile! Solidaritet me popullin italian! Së bashku edhe në momentet e vështira!”
Numri i të prekurve nga koronavirusi në Shqipëri ka shkuar në 10 dhe numri i ekzaminimeve në 114. Prej të dielës kur u zbuluan dhe 2 rastet e para, të infektuarit janë shtuar nga 4 për çdo 24 orë. Qeveria dhe Ministritë kanë marrë masa për përhapjen e koronavisusit, duke mbyllur çerdhet, shkollat, universitetet dhe konviktet. Po ashtu janë anuluar dhe të gjitha udhëtimet drejt Italisë si hyrëse dhe dalëse. Autoritetet apelojnë që qytetarët të zbatojnë këshillat e mjekëve dhe të shmangin daljet e panevojshme. Ministria e Shëndetësisë u bën thirrje të gjithë qytetarëve që kanë udhëtuar nga vende të prekura dhe ndiejnë simptoma të ngjashme me gripin, të telefonojnë në nr.127 dhe të mos shkojnë direkt në spitale.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Koronavirusi ka prekur dhe Prokurorinë. Në një udhër të firmosur sot nga Prokurori i Përgjithshëm, Olsian Çela, u janë dhënë udhëzimet proku...
TIRANË- Policia e Shtetit ka vijuar dhe sot me riatdhesimet e qytetarëve që kanë kërkuar azil në vendet e BE. Në një njoftim për mediat, Policia ka bërë me...
TIRANË- Inspektori i Lartë i Drejtësisë njofton se shërbimi i pritjes me qytetarët në ambientet e ILD-së do të ndërpritet, për shkak të masave kundër përha...
TIRANË– Top Channel paraditen e kësaj të marte ishte në njësinë e koordinimit të Qendrës Kombëtare të Urgjencës Spitalore, ku gjatë 24 orëve të fundit kanë...
DURRËS- Një person është gjetur sot i vdekur në Durrës. Në një njoftim për mediat, Policia bën me dije se ngjarja ka ndodhur sot rreth orës 13:15 në afërsi...
TIRANË- Aeroporti “Nënë Tereza” ka njoftuar sot të gjithë udhëtarët që nuk do ketë më asnjë udhëtim drejt Italisë. Sipas njoftimit nga TIA, bëhet me dije s...
LOMBARDI– Italia prej më shumë se tre javësh është përfshirë nga koronavirusi vdekjeprurës që u ka marrë jetën deri më tani 463 njerëzve dhe ka prekur mbi 7000 ...
TIRANË– Ministrja e Mbrojtjes, Olta Xhaçka ka bërë me dije lajmin se në Forcat e Armatosura ka nisur evidentimi i ushtarakëve që kanë dalë jashtë ve...
TIRANË- Koronavirusi nuk është i vetmi shqetësim për qeverinë shqiptare që vjen nga përtej kufijve. Fluksi i emigrantëve sirianë që po i drejtohen Bullgari...
TIRANË– Një 60-vjeçar me inciale H.M., mirëmbajtës i rrugëve në Baldushk ka ndërruar jetë ditën e sotme pasi ka rënë në kontakt me rrymën elek...