TIRANË- Kunati i botuesit Henri Çili, Gazmir (Enri) Ajdinaj është personazhi kyç i dosjes hetimore të prokurorisë për operacioni “Mezhgorani”, i finalizuar më 27 shkurt. Janë disa episode, që zbardhen sot ekskluzivisht nga “Dosja.al”, ku Gazmir Ajdinaj përfshihet jo vetëm si kontakt mes Adil Alikos dhe Henri Çilit, por edhe në gjetje të sasive të eksplozivit, rrahje personash me pagesë, falsifikim parash, dhe marrje të tritolit për llogari të Arbion Alikos. Ai bashkëpunon me dy vëllezërit, Emir dhe Elisjon Breza nga Fushë-Kruja të cilët i gjejnë ato që kërkon, përfshirë këtu edhe kanabisin. Ndërkohë që, Arbion Aliko i siguron lëndë shpërthyese në Lazarat, ku Ajdinaj, takon Adil dhe Amarildo Aliko, (i arrestuar dje), dhe më pas teksa largohet, ai prangoset bashkë me lëndën shpërthyese.
Konkretisht në dosjen hetimore thuhet se: “1.11. Përsa i përket shtetasit Gazmir (Enri) Ajdinaj rezulton se komunikon me numrin e telefonit celular 069 33****4, i cili i ka kërkuar sende që hedhin pallate në shesh dhe hedhin gjëra në erë. Më datë 02.11.2019 komunikon me shtetasin që ka në përdorim numrin celular 06946****1, për të shkuar në Fushë-Krujë me qëllim marrjen e një sasie edhe më të madhe lënde narkotike nga Gazmiri, Emiri dhe Elisjoni, për marrjen e të cilët njoftojnë më pas të afërmit e tyre, por që nuk është arritur të sekuestrohet. 1.15 Komunikimet me shtetasin Arbion Aliko, i cili ka telefonuar nga burgu i Burrelit dhe i shtetasit Gazmir Ajdinaj kryhen dhe për një sasi lënde eksplozive, që do të siguroheshin nga kushërinjtë e tij në Lazarat dhe palët kanë lënë takim për ditën e diel. Më datë 23.02.2020 shtetasi Gazmir Ajdinaj takohet me shtetasit Adil Aliko dhe Amarildo Aliko nga të cilët merr disa sende dhe niset drejt Tiranës. Në Tepelenë ky shtetas ndalohet dhe nga kontrolli i ushtruar i janë gjetur dhe sekuestruar dy kallëpe me lëndë plasëse, fitil përcjellës dhe sende të tjera të jashtëligjshme.”.
Është e paqartë njohja paraprake mes Arbion Alikos dhe Gazmir Ajdinajt, duke zgjeruar kështu hartën e këtij grupi, që ka qenë ura lidhëse mes tij dhe të atit, Adilit.
Botuesi dhe pronari i UET, Henri Çili, u arrestua gjatë operacionit “Mezhgorani”, mbrëmjen e të enjtes. Bashkë me të u arrestuan avokati Ilir Korbi, biznesmeni Sait Fishta dhe 25 persona të tjerë. Të arrestuarit akuzohen se kanë ndikuar tek gjyqtarët për të liruar bandën e Lazaratit, por edhe përfshirje në trafikun e drogës, falsifikimin e monedhave. Ndaj Çilit rëndojnë akuzat për korrupsion, ushtrim të ndikimit të paligjshëm, falsifikim të dokumenteve dhe shpërdorim detyre. Sot është mësuar se e përfshirë në dosje është edhe Marina, vajza e këngëtares Eli Fara, pasi komunikonte me një nga të ndaluarit. Në shtëpinë e saj, policia ka ushtruar kontroll dje.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Trafik droge, falsifikim parash, rrahje me pagesë, kontrata të manipuluara pronash, e takimi me zyrtarin e lartë për të liruar vëllezërit Aliko, ja...
TIRANË– OBSH kërkon testimin e planit të emergjencës për qeveritë e këtyre vendeve dhe gjithashtu lëshoi disa rekomandime për publikun se si mund të admini...
Dimri i ngrohtë i këtij viti, duket se po shpejton ardhjen e pranverës, ndaj dhe në fshatin Bistrovicë, të Njësisë Administrative Cukalat, në bashkinë e Urës Va...
SPANJË– Aleksandër Nikolla, 47-vjeçari shqiptar i akuzuar për sulmin me dhunë ndaj një shtëpie në vitin 2007 do të lirohet nga burgu pasi Gjykata e ...
DURRËS– Një aksident ka ndodhur mëngjesin e sotëm tek rrethrrotullimi pranë Urës së Dajlanit në qytetin e Durrësit.Ngjarja ka ndodhur në orën 2:00 të mëngj...
TIRANË – Ministria e Shëndetësisë dhe Mbrojtjes Sociale ka dhënë detaje lidhur nga testimi i 3 personave, të dyshuar me koronavirus në Shqipëri.Tre të test...
TIRANË– Aktivisti i Shoqërisë Civile Altin Hazizaj ka reaguar ashpër lidhur me fjalën e mbajtur nga bashkëshortja e kryeministrit Edi Rama në Kongresin e P...
DURRËS– Një 61-vjeçar me iniciale B.V., është arrestuar në Durrës, pasi ka ushtruar dhunë fizike dhe psikologjike, duke kërcënuar me thikë bashkësho...
