Analizimi i qelizave telefonike (logimi i telefonit celular personal në antenat përgjatë territorit të vendit), bën pjesë ndër provat më të forta shkencore pasi është thuajse i pamundur manipulimi dhe shkon përtej çdo fakti. “Dita” ka publikuar sot hartën e intenerarit të ndjekur nga njëra anë e shtetasve Albert Veliu dhe Jetmir Olldashi, si dhe nga ana tjetër nga shtetasi Agron Xhafaj më 24 tetor 2017, në ditën kur pretendohet nga “selia blu” se është kryer audio-regjistrimi “Babale”. Për herë të parë në publik po përcjellim grafikun e lëvizjes ku me ngjyrë blu është shënjuar lëvizja e Agron Xhafajt dhe me ngjyrë portokalli lëvizja e shtetasve Jetmir Ooldashi dhe Albert Veliu, i njohur tashmë si “Babalja”.
Ky i fundit, në deklarimin e tij në prokurori, në një nga versionet që ka paraqitur para organit të akuzës, ka pretenduar se takimi në momentin që është bërë “audio-regjistrimi” është zhvilluar në orën 17:30 te lokali Agron Xhafajt në Vlorë. Ndërkohë, referuar të dhënave që konkludojnë nga analizimi i qelizave telefonike, po në këtë orë, ai dhe gazetari Jetmir Olldashi janë duke udhëtuar nga Vlora për në kryeqytet, ku pikërisht në atë orë lokalizimi i tyre rezulton në unazën e madhe të Tiranës.
Po në këtë kohë, siç mund të shihet edhe nga grafiku, Agron Xhafaj gjendet në Lushnjë, çka hedh poshtë versionin e parë të deklaruar nga “Babalja”. Ndërkohë, nga ana tjetër avokatët e ish deputetit Ervin Salianji dhe gazetari Jetmir Olldashi, kanë dëshmuar një version të ri. Ata kanë pretenduar se takimi mes tyre është zhvilluar në orarin 12:30 – 13:45 po te lokali i Agronit në qytetin e Vlorës. Ky version rrëzohet lehtësisht po nga analizimi i qelizave telefonike ku celularët e gazetarit Olldashi dhe denoncuesit “Babale”, në atë fashë orari janë loguar larg zonës ku pretendohet.
Siç mund të vërtetohet nga grafiku, përkatësisht në orën 12:46 ata gjenden në Orikum, ndërsa në orën 13:47 kanë mbërritur te Marina në Lungomare dhe në orën 14:22 gjenden në Mifol, në dalje të qytetit të Vlorës. Nga ana tjetër, po qelizat telefonike vërtetojnë se shtetasi Agron Xhafaj, në orën 12:45 gjendet në qytetin e Vlorës, në orën 13:45 gjendet në dalje të qytetit dhe në orën 14:27 antenat e telefonit e lokalizojnë në qytetin e Fierit, përkatësisht të paktën 40 km larg nga vendtakimi i pretenduar nga ish deputeti Ervin Salianji. Nga i gjithë analizimi i të dhënave, rezulton se shtetasit Agron Xhafaj dhe Alber Veliu kanë qenë në distance të largëta në harkun kohor kur pretendohet nga “selia blu”, duke rrëzuar të gjitha deklaratat e ish ligjvënësit Ervin Salianji dhe kryedemokratit Lulzim Basha të cilët kanë thënë se më 24 tetor këta dy shtetas janë takuar.
Më poshtë po pasqyrojmë edhe grafikun e plotë me skemën e lëvizjes për secilin nga personat: Albert Veliu dhe Jetmir Olldashi, 24 tetor 2017, itinerari Tiranë – Vlorë – Tiranë. Itineraret e A.Xhafaj dhe A.Veliu 24 tetor 2017, vendndodhja në orarin 11.00 me 17.00
1 vit nga zgjedhjet e 25 prillit si e shikoni gjendjen e vendit:
TIRANË- Analisti Kim Mehmeti është i mendimit se nuk duhet të bëhet kaq e madhe situata me koronavirusin. I ftuar në studion e lajmeve në RTV Ora, Mehmeti ...
TIRANË– Ministrja e Shëndetësisë, Ogerta Manastirliu është shprehur se mund të ndalohet mbledhja e 2 marsit që është thirrur nga Presidenti Ilir Meta. Në n...
DURRËS– Përhapja e koronavirusit në Italinë fqinje e ka rritur me 20 përqind fluksin e udhëtarëve që mbërrijnë në portin e Durrësit krahasuar me javë...
DURRËS– Një video e publikuar nga redaksia e “JOQ”, shihet se si një grua dhunohet në mes të ditës. Personi që e ka dërguara këtë video, tregon se pamjet i...
VLORË- Shqiptarët që jetojnë në itali dynden të kthehen në atdhe ndërsa një nga arsyet kryesore është edhe përhapja e epidemisë së koronavirusit në vendin ...
TIRANË- Këshilli i Lartë i Prokurorisë ka zhvilluar sot mbledhjen plenare të radhës, ku ka miratuar disa vendime të rëndësishme. Sipas njoftimit nga KLP bë...
SARANDË– Një sasi prej 794 kg kanabis sativa është sekuestruar ditën e sotme në Qafë Botë në kufirin e gjelbër që ndan Shqipërinë me Greqinë. Sipas T...
TIRANË– Dy të mbijetuarit e tërmetit tragjik të 26 nëntorit, Albert Cara dhe Marlin Shkodra kanë mbërritur sot në Shqipëri 3 muaj pasi u trajtuan dhe morën...
