TIRANË- Prokuroria e Tiranës ka kopsitur dosjen hetimore për masakrën e 4 tetorit 2018 në lokal Monopol në zonën e ish-bllokut në Tiranë. Burime për Dosja.al bëjnë me dije se të pandehur janë marrë biznesmeni Ervis Martinaj, komandoja në arrati Merviol Bilo, si dhe i dashuri i këngëtares Elvana Gjata, Ervin Mata. Kur ka kaluar gati 1 vit e gjysmë, Prokuroria e Tiranës ka rrëzuar akuzën e “vrasjes me paramendim” për biznesmenin Ervis Martinaj teksa e akuzon atë se ka thirrur shokët e tij me armë në ish-bllok. Gjithashtu, ai akuzohet për fshehje të ardhurash dhe falsifikim të pasaportës, pasi pas ngjarjes atij iu gjet një pasaportë kosovare me identitetin Admir Koca. Këto akuza, Martinajt i janë shtuar më 25 tetor 2019, pasi nuk kanë arritur të sigurojnë prova për ta akuzuar për “Vrasje me paramendim”. Ndërkohë që “rivali” i Martinajt, Ervin Mata akuzohet për moskallëzim krimi, pasi sipas organit të akuzës ai ka ndihmuar komandon Merviol Bilo të arratisej. Ndërkohë që akuzat më të rënda janë ngritur për komandon në arrati, truprojën e këngëtares Elvana Gjata, Merviol Bilo, i cili është shpallur në kërkim që prej 4 tetorit dhe ende nuk është arrestuar.
Të pandehurit dhe akuzat:
Biznesmeni Ervis Martinaj akuzohet për “Sigurimi i kushteve dhe mjeteve për vrasje”, “Fshehje të ardhurash”, “Falsifikimit të pasaportave dhe kartave të identitetit”, dhe “Organizim ose ushtrim i veprimtarisë së lojërave të fatit” në kundërshtim me ligjin.
Komandoja Merviol Bilo akuzohet për “Vrasje në rrethana cilësuese ndaj një ose më shumë personave” në dëm të Fabiol Gaxhës, viktima e ngjarjes, si dhe “Vrasjes në rrethana cilësuese ndaj një ose më shumë personave” mbetur në tentativë, ndaj biznesmenit Ervis Martinajt dhe mikut të tij Eljo Hato, si dhe “Mbajtje pa leje të armëve luftarake”.
Ervin Mata akuzohet nga prokuroria e Tiranës për “moskallëzim krimi dhe përkrahje e autorit të krimit”.
Ervis Martinaj në sitë edhe nga Operacioni Forca e Ligjit, përplasja polici-prokurori
Biznesmeni Ervis Martinaj është një nga subjektet e paketës normative ‘Anti KCK’. Martinaj duhet të justifikojë burimin e pasurisë së tij, ndërkohë që Operacioni Forca e Ligjit njoftoi dje se Martinaj është nën akuzën e “vrasjes me paramendim”. Rrëzimi zyrtarisht i akuzës për vrasje, vë në përballje polici-prokurori, që për këtë rast kanë qendrime të ndryshme. Edhe avokati i Martinajt, Mirash Martini mohoi që klienti i tij të jetë subjekt i OFL. (Lexo këtu)
Vrasja në ish-Bllok, si u trondit zemra e kryeqytetit nga plumbat
Mbrëmjen e 4 tetorit 2018, rreth orës 21:00, në lokalin “Monopol” mu në zemër të ish-bllokut, pati një përplasje me armë ku për pasojë mbeti i vrarë Fabjol Gaxha, ndërsa u plagosën Ervis Martinaj dhe shoku i tij Eljon Hato. Ky i fundit u arrestua nga policia, por iu ndryshua masa e sigurisë nga “arrest me burg” në “arrest shtëpie”, në sajë të një garancie pasurore prej rreth 5 milionë lekësh, për t’u hetuar në gjendje të lire për shkak të gjendjes së tij shëndetësore. Edhe Hato u lirua në sajë të një raporti mjeko-ligjor se nuk mund të qëndrojë në qeli pasi ka mbetur pothuajse i paralizuar. Ndërkohë në kërkim nga policia është ende ish-komandoja Merviol Bilo, i cili akuzohet të ketë qëlluar për vdekje Gaxhën.
Si fillim u mendua se arsyeja e përleshjes ishte këngëtarja Elvana Gjata, por hetimet e mëtejshme zbuluan se bëhej fjalë për një sherr të mbartur të të fejuarit të saj, Ervin Mata, me disa persona të tjerë, ku përmendej emri i biznesmenit Eldi Dizdari (partneri i Suada Sherifit), kushëririt të Arbër Cekajt, pronarit të magazinës ku u kapën 613 kg kokainë në Maminas. Ervis Martinajt iu sekuestrua telefoni celular Iphone X, dhe ekspertët izraelitë zbardhën me mijëra mesazhe, ku zbulohej edhe biseda e tij me ish-policin e vrarë, Santiago Malko, të cilit i thoshte: Afrohu bllok” “Mer nej gje me vete”.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
BALLSH- Një nga organizatorët e grevës së urisë së 10 naftëtarëve të Ballshit ka deklaruar i vendosur se qëndrimi i tyre do të vijojë, edhe pse gjendja shëndetë...
TIRANË– Adela Berisha u arrestua disa ditë më parë si bashkëpunëtore e grabitësit serial Astrit Thaçi, i cili akuzohet se ka kryer tetë grabit...
Shqipëri– Po bëhen rreth 3 vite nga nga zhdukja dhe më pas gjetja e trupit të Kreshnik Beqirajt në Fier, ndërsa hetimet sipas familjarëve janë mbyllur me urdhër...
TIRANË- Këshilli i Lartë Gjyqësor i kërkon Kuvendit të Shqipërisë që të gjejë një zgjidhje ligjore për të shtyrë gjyqin në ngarkim të Emiljano Shullazit dh...
TIRANË– E ftuar në studion e “ABC Neës” avokatja e popullit Erinda Ballanca ka folur për konfliktin e zhvilluar mes Presidencës dhe mazhorancës, ndërsa u n...
TIRANË- Detaje të reja janë mësuar në lidhje me ngarkesën e kokainës 1.3 ton që u kap mbrëmjen e djeshme në Maqedoninë e Veriut. Sasia e kokainës u zbulua ...
TIRANË- Bashkia Tiranë u ka dhënë lejen dhjetëra kullave, të cilat kanë hapur kantieret e ndërtimit përgjatë rrugëve dhe shesheve kryesore të kryeqytetit. ...
DURRËS- Një 21-vjeçare është arrestuar në flagrancë nga policia e Durrësit, pasi shpërndante kokainë dhe droga të forta në qytet. Sipas njoftimit të...
BALLSH- Naftëtarët e Ballshit dhe punonjësit e nënstacionit të Poçemit vijojnë grevën e urisë dhe gjendja e tyre shëndetësore është rënduar, pasi që pre...