Aktualitet

Nuk i deklaruan në kufi, sekuestrohen 26 mijë euro në Kakavijë dhe nis hetimi për dy persona

Mbi ta nisi procedimi penal për veprën penale “Mosdeklarimi në kufi i të hollave dhe i sendeve me vlerë”.

2 Mars 2026, 15:05 Nga E.d
Nuk i deklaruan në kufi, sekuestrohen 26 mijë euro në
Foto ilustruse

KORÇË- Policia Kufitare ka sekuestruar ditën e sotme 26 mijë euro në Kakavijë. Sasia e parave u sekuestrua, pasi nuk ishin të deklaruara. 

Në kuadër të kësaj ka nisur hetimi për dy persona. Njërit prej tyre iu gjetën 10 950 euro, ndërsa tjetrit iu gjetën në çantë, 15 000 euro të cilat nuk i kishte deklaruar. Mbi ta nisi procedimi penal për veprën penale “Mosdeklarimi në kufi i të hollave dhe i sendeve me vlerë”.

Njoftimi i policisë

PKK Kakavijë/Kontrolle të detajuara nga shërbimet e Policisë Kufitare, goditen 2 raste të mosdeklarimit të të hollave. Sekuestrohen 25 950 euro, procedohen penalisht 2 shtetasit që i posedonin dhe nuk i deklaruan në kufi.

Si rezultat i angazhimit maksimal të shërbimeve të Policisë Kufitare të PKK Kakavije, për parandalimin dhe goditjen e krimeve kufitare, krahas punës për ofrimin e një shërbimi cilësor dhe etik, qytetarëve në hyrje/dalje, janë goditur 2 raste të mosdeklarimit të të hollave. Konkretisht, në dalje të RSh-së, u kaluan për kontroll në vijë të dytë, shtetasit:

-F. V., të cilit gjatë kontrollit fizik, iu gjetën 10 950 euro që ai nuk i kishte deklaruar;
-M. J., të cilës iu gjetën në çantë, 15 000 euro që ajo nuk i kishte deklaruar.

Në vijim të veprimeve procedurale për rastin, specialistët për Hetimin e Krimeve të DVKM Gjirokastër referuan materialet në Prokurori, ku nisi procedimi në gjendje të lirë për veprën penale “Mosdeklarimi në kufi i të hollave dhe i sendeve me vlerë”, për shtetasit F. V., 60 vjeç, banues në Berat dhe M. J., 54 vjeçe, banuese në Tiranë.

Gjithashtu, u sekuestruan në cilësinë e provës materiale, shumat e parave. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme./Dosja.al

26 mijë euro kakavijë policia

Sondazh

Poll

MË SHUMË