Aktualitet

Banorët e Baks-Rrjollit u vetëdorëzuan në Komisariat, avokati: Qytetarët kërkojnë tokat e tyre! Nuk e kanë problem të protestojnë...

Sipas Avokatit Ndue Pjetra, banorët e Rrjollit, kërkojnë tokat e tyre dhe nuk e kanë problem të protestojnë e të përballen me uniformat blu.

2 Mars 2026, 13:25 Nga D.S
Banorët e Baks-Rrjollit u vetëdorëzuan në Komisariat,
Banoret e RRjollit

SHKODËR- Pasi u vetëdorëzuan në Policinë e Shkodrës, 15 banorët e Rrjollit pretendojnë se pronat janë të tyret me dokumente dhe firma që synon të investojë i ka zaptuar pa kompensim.

Sipas Avokatit Ndue Pjetra, banorët e Rrjollit, kërkojnë tokat e tyre dhe nuk e kanë problem të protestojnë e të përballen me uniformat blu. Avokati thekson se, protesta do vazhdojë më tej, dhe nuk ka tërheqje vetëm solidarizim.

Avokati u shpreh: “Qëllimi kryesor i tyre është të mundohen me çdo kusht që të mos protestojnë këta persona. Banorët kërkojnë tokat e tyre dhe nuk e kanë problem të protestojnë e të përballen me Policinë dhe bandën e tokave. Pavarësisht dokumenteve që janë falsifikuar për t’u marrë tokat, banorët nuk dorëzohen. Ka pasur përplasje dhe madje mund të godisnin njëri-tjetrin në atë situata, ata tentuan vetëm të largonin mjetin, fadromën nga toka e tyre. Kemi lajmëruar vetë Policinë u kemi thënë “na keni shpallur në kërkim” dhe se si do procedojmë. Protesta do vazhdojë më tej, ka solidarizim, nuk ka tërheqje. Ata e dinë shumë mirë, po vonojnë zbardhjen e të vërtetës, presim e 2-3 ditë vendimin e Administratives, se dokumentet janë false, dihet ajo dhe do të dalë”./Dosja.al

 

 

banoret e rrjollit protesta baks rrjoll vetedorezohen ne komisariat protestuesit e rrjollit

Sondazh

Poll