Politike

Berisha: Irena me 5 mbiemra mashtroi për një apartament në Fier dhe një apartament e dy garazhe në Tiranë! Për këtë krim meriton disa vite burg

Në një deklaratë për mediat Berisha deklaroi se Gjoka ka fshehur pasuri të konsiderueshme, përfshirë një apartament në Fier dhe dy garazhe në Tiranë, ndërsa ka dhënë deklarata kontradiktore për vlerën e një banese tjetër.

16 Shkurt 2026, 10:33 Nga D.S
Berisha: Irena me 5 mbiemra mashtroi për një apartament në Fier
Sali Berisha

TIRANË- Kreu i Opozitës Sali Berisha, ka lëshuar akuza të forta ndaj gjyqtares Irena Gjoka të cilën e etiketon si "Irena me 5 mbiemra".

Në një deklaratë për mediat Berisha deklaroi se Gjoka ka fshehur pasuri të konsiderueshme, përfshirë një apartament në Fier dhe dy garazhe në Tiranë, ndërsa ka dhënë deklarata kontradiktore për vlerën e një banese tjetër. Ndër të tjera ai deklaroi se për këto mashtrime, gjyqtarja meriton burg dhe jo mbrojtjen nga sistemi.

"Kthehemi aty ku është turpi i turpit të turpit të sistemit të drejtësisë, dëgjoni tani për Irenën me 5 mbiemra. Dëgjoni tani! Irena me 5 mbiemra, i ndjeri komisioner Dariel Sina, e kishte kapur në krime të shëmtuara gjatë deklarimit të pasurive. Irena me 5 mbiemra nuk ka deklaruar apartamentin me sipërfaqe 63.65 metër katrorë në Fier. Apartament banimi, sipërfaqe 2 plus 1.

Kjo fshehje pasurie është justifikuar nga Irena me 5 mbiemra dhe ka fituar, natyrisht se është shoqe e ngushtë e Lindës së Surrelit dhe disa personave të tjerë me pushtet. Ka qenë një këshilltare besnike e Ergys Agasit. Pra, Irena me 5 mbiemra, kur është kapur mat me mashtrimin, ka thënë e harrova, e kisha harruar. Mos harroni se për një garsionere i kanë nxjerrë gjykatësit, i kanë flakur në rrugë, jo se e kanë harruar, por se e kanë deklaruar se e kanë dhuratë nga i ati i vet. Por Irena nuk është vetëm kaq. Jo.

Irena që mbrohet nga llumi i llumit të këtij sistemi, apartamentin tjetër në Tiranë me sipërfaqe 66 metër, të cilin thotë njëherë se e bleva me 10 mijë euro, dhe pastaj këtë çmim e rrit në 22 mijë euro. Ku i paratë, i thonë, kam harruar thotë. Reale kjo. Nuk ka treguar burimin e parave që ua ka marrë ryshfet klientëve të saj. Kjo është gjykatësja. Dhe prandaj Dariel Sina, këtë e përjashtonte nga sistemi. Por së fundmi nuk mbaron këtu. Irena me 5 mbiemra, ka fshehur dy garazhe në Tiranë. Nuk i ka deklaruar në procesin e vlerësimit të vetingut. Pra, vetëm me këto, Irena me 5 mbiemra, meriton disa vite burg për fshehjen e pasurive të paligjshme. Ajo mbahet si monumenti më i shëmtuar i sistemit që përfaqëson." tha Berisha./Dosja.al

irena gjoka sali beriha edi rama

Sondazh

Poll

MË SHUMË