Politike

“Tirana është e fortë kur qytetarët janë të bashkuar”/ Shkëlqim Hajdari merr detyrën e Prefektit të Tiranës: Ligji do të jetë busulla ime e vetme!

Sipas tij, drejtimi dhe koordinimi i bashkive dhe institucioneve do të behet me paanshmëri dhe respekt.

9 Shkurt 2026, 16:08 Nga E.d
“Tirana është e fortë kur qytetarët janë të
Shkëlqim Hajdari

TIRANË- Shkëlqim Hajdari është ka marrë zyrtarisht detyrën e Prefektit të Tiranës. Në fjalën e mbajtur gjatë marrjes së detyrës, Hajdari u shpreh se ligji do të jetë busulla e tij e vetme gjatë ushtrimit të kësaj detyre. Ai tha se Tirana është e fortë vetëm kur qytetarët janë të bashkuar.

Sipas tij, drejtimi dhe koordinimi i bashkive dhe institucioneve do të behet me paanshmëri dhe respekt. Në fund, Hajdari tha se funksioni i prefektit do të jetë për të posti më i bukur dhe mbase edhe i fundit.

“Njoh çdo lagje të Tiranës, çdo fshat, fushë e kodër dhe Malin e Dajtit. Njoh qytetarë të vjetër e të rinj. Sot dua të them me zemër të hapur se do të jem prefekti i të gjithëve, që jetojnë në këtë metropol pa dallime. Tirana është e fortë vetëm kur qytetarët janë të bashkuar.

Në ushtrimin e kësaj detyre ligji do të jetë busulla ime e vetme. Drejtimi dhe koordinimi i bashkive dhe institucioneve do të behet me paanshmëri dhe respekt. Prefektura do të jetë një urë bashkëpunimi sepse qytetarët kanë nevojë për institucione që flasin. Kam 35 vjet që punoj për shtetin shqiptar. Funksioni i prefektit do të jetë për mua më i bukuri dhe më i dashuri, ndoshta edhe i fundit. Dua ta mbyll me nder dhe të lë gjurmë të mira,” tha ai./Dosja.al

shkëlqim hajdari tiranë prefekti

Sondazh

Poll