Politike

Protesta e banorëve të Rrjollit/ Berisha: Deputetët tanë po e ndjekin çështjen. Nuk pranojmë asnjë rrëmbim prone private

Ai deklaroi se, nuk është e vërtetë që PD nuk është interesuar por përkundrazi, deputetët të PD-së kanë qenë aty dhe po merren me zgjidhjen e problemit.

9 Shkurt 2026, 13:25 Nga D.S
Protesta e banorëve të Rrjollit/ Berisha: Deputetët tanë po
Sali Berisha

TIRANË- Kreu i Partisë Demokratike Sali Berisha tha se, opozita kërkon dhe insiston respektin e plotë të të drejtave të pronësisë dhe të drejtave të tjera të qytetarëve të Baks-Rrjollit.

Ai deklaroi se, nuk është e vërtetë që PD nuk është interesuar por përkundrazi, deputetët e PD-së kanë qenë aty dhe po merren me zgjidhjen e problemit. Sali Berisha theksoi se, Partia Demokratike është kategorikisht kundër prekjes qoftë edhe të një metër katrorë tokë të pronarëve privatë.

Së pari në mbështesim absolutisht çdo protestë të drejtë. Së dyti, ne kërkojmë dhe insistojmë respektin e plotë të të drejtave të pronësisë dhe të drejtave të tjera të qytetarëve. I them atij qytetari që nuk është e vërtetë që PD nuk është interesuar. Ai mund të mos e dijë, e kjo është normale. Por deputetët të PD-së kanë qenë aty dhe janë marrë me problemin dhe merren. Natyrisht ne mbështesim protestën pa diskutim, kur problemet janë gjithçka bazuar mbi dokumenete të sakta, zyrtare, të vërteta. Çka unë nuk i diskutoj. Apriori nuk hedh poshtë asnjë pretendim të atyre protestuesve, ndaj dhe ne po shohim, po e ndjekim.

A duhet bazohet mbi dokumente, duhet. Sepse nuk kam asnjë lloj dijenie, është blerë, nuk është blerë. Po ne po e ndjekim këtë zhvillim. Por ne jemi kategorikisht kundër prekjes qoftë edhe të një metër katrorë tokë të pronarëve privatë.
Ky qëndrim është i palëkundur i yni. Nëqoftëse parashikohen, është detyrë e sipërmarrësit të zgjidhë me kushte tregtare problemet që ka me banorët. Ne nuk kemi asnjë lloj lëvizje, hezitimi. Nuk pranojmë që të tjerëve tu mirret, konfiskohet toka e tyre," tha Berisha./Dosja.al

sali berisha baks rrjoll protesta rrjoll

Sondazh

Poll

MË SHUMË