Me anë të një postimi në Facebook, Osmani thekson se pavarësia e Kosovës ishte rezultat i vullnetit të popullit dhe i një sakrifice shekullore.
KOSOVË- Presidentja e Kosovës, Vjosa Osmani ka reaguar në lidhje me pretencën e dhënë nga Prokuroria Speciale për Hashim Thaçin, Kadri Veselin, Jakup Krasniqin dhe Rexhep Selimin, duke kërkuar dënimin nga 45 vite burg për ta. Me anë të një postimi në Facebook, Osmani thekson se pavarësia e Kosovës ishte rezultat i vullnetit të popullit dhe i një sakrifice shekullore.
Gjithashtu, Osmani thotë se çdo përpjekje që tenton të barazojë luftën çlirimtare të UÇK-së me krimet e agresorit gjenocidal serb e minon besimin në drejtësi dhe e dëmton rëndë paqen afatgjatë.
Postimi i Vjosa Osmanit:
Pavarësia e Kosovës ishte vullnet i popullit të Kosovës. Ishte sakrificë shekullore për të cilën dhanë jetën mijëra dëshmorë e civilë të pafajshëm e për të cilën luftuan, me heroizëm dhe me luftë të pastër, Ushtria Çlirimtare e Kosovës. Gjenocidi, krimet kundër njerëzimit dhe krimet e luftës janë krime që Serbia i kreu kundër popullit të Kosovës ndër shekuj.
Gjatë luftës së fundit në Kosovë, Serbia kishte për qëllim shfarosjen e popullit shqiptar, qëllim të cilin e shpërfaqi nëpërmjet vrasjes dhe masakrimit të mijërave fëmijëve, grave, burrave e të moshuarve, dhunimeve të mijëra grave e burrave, shkatërrimit të qindra mijëra shtëpive, dëbimit të mbi 80% të qytetarëve të Kosovës nga shtëpitë e tyre, spastrimit etnik, zhdukjes me dhunë të mijëra personave dhe krimeve të tjera të llahtarshme.
Çdo përpjekje që tenton të barazojë luftën çlirimtare të UÇK-së me krimet e agresorit gjenocidal serb e minon besimin në drejtësi dhe e dëmton rëndë paqen afatgjatë. Kosova dhe qytetarët e saj kërkojnë drejtësi. Lufta e UÇK-së ishte e drejtë dhe e pastër. Kjo e vërtetë nuk ndryshohet me tentime për ta rishkruar historinë dhe për ta njollosur dhe zhvleftësuar betejën e popullit të Kosovës për liri./Dosja.al
KOSOVË- Djali i ish-presidentit Hashim Thaçi, Endrit Thaçi ka reaguar pasi prokuroria e Hagës ka dhënë pretencën pë...
Foto ilustruse Bashkimi Evropian tha se arrestimi i fundit nga Serbia i një veterani të Ushtrisë Çlirimtare të Kosovës &eum...
Foto ilustruse TIRANË- Kryetari i bashkisë së Rrogozhinës, Edison Memolla është dënuar me 1 vit burg nga Apeli i G...
Foto ilustruse TIRANË- Apeli i GJKKO ka konfirmuar dënimin me 1 vit burg për kryebashkiakun e Rrogozhinës, Edison Memolla. Ai akuzohet ...
Sali Berisha TIRANË- Kreu i Partisë Demokratike, Sali Berisha tha se rruga që opozita ka vendosur të zgjedhë është ajo e...
Sali Berisha TIRANË- Kreu i Opozitës Sali Berisha tha se, ndërhyrja e Ramës në legjislacion përbën grusht shteti. Sipas...
TIRANË- Kreu i Partisë Demokratike, Sali Berisha tha se është në dijeni për rritjen e çmimit të biletës së...
Sali Berisha TIRANË- Kreu i Partisë Demokratike Sali Berisha tha se, opozita kërkon dhe insiston respektin e plotë të të...
Sali Berisha TIRANË- Kreu i Partisë Demokratike Sali Berisha deklaroi se, qëndrimi i opozitës, do të jetë revoltë dhe ve...
Sali Berisha TIRANË- Kryetari i Opozitës Sali Berisha tha se, kryeministri Rama do të shkelmojë në Bruksel interesat e ...