Aktualitet

Plagosja në Sarandë/ Policia jep detaje: Dy të arrestuar dhe një në kërkim! Autorët u shkuan te shtëpia dhe…

Sipas njoftimit të policisë këta persona kanë shkuar në banesën e të plagosurve dhe  i kanë goditur me sende të forta dhe me mjet prerës.

29 Janar 2026, 15:03 Nga E.d
Plagosja në Sarandë/ Policia jep detaje: Dy të arrestuar dhe
Foto ilustruse

SARANDË- Policia ka dhënë detaje rreth plagosjes në Sarandë. Në lidhje me këtë ngjarje janë arrestuar dy persona, 24 dhe 26 vjeç si dhe është shpallur në kërkim një i tretë. Të plagosur kanë mbetur shtetasit Enea Qorri dhe Arnest Gjonçaj.

Sipas njoftimit të policisë këta persona kanë shkuar në banesën e të plagosurve dhe  i kanë goditur me sende të forta dhe me mjet prerës. Mbi të arrestuarit rëndon akuza për veprën penale “Plagosja e rëndë me dashje”, kryer në bashkëpunim”.

Njoftimi i Policisë:

“Menjëherë pas njoftimit të marrë në orët e para të mëngjesit të sotëm, për një konflikt ndërmjet disa shtetasve, në lagjen “Baba Rexhep”, Sarandë, shërbimet e Komisariatit të Policisë Sarandë organizuan punën dhe shkuan në vendngjarje, me qëllim zbardhjen e autorësisë dhe rrethanave të rastit.

Si rezultat i veprimeve të shpejta policore u arrestuan shtetasit M. H., 24 vjeç dhe Xh. S., 27 vjeç, si dhe u identifikua dhe u shpall në kërkim shtetasi F. Gj..

Nga veprimet hetimore dyshohet se shtetasit A. Gj., M. H. dhe Xh. S. kanë shkuar në banesën e shtetasit B. Q., ku për motive të dobëta, kanë goditur me sende të forta (shkopinj) dhe me mjet prerës, shtetasit E. Q., B. Q. dhe A. Q.. Si pasojë janë dëmtuar shtetasit E. Q dhe A. Gj., të cilët janë jashtë rrezikut për jetën.

Punohet për kapjen e shtetasit F. Gj., si dhe në drejtimin e Prokurorisë, punohet për të zbardhur dhe dokumentuar të gjitha rrethanat e këtij rasti.

Materialet procedurale iu referuan Prokurorisë, për veprime të mëtejshme, për veprën penale “Plagosja e rëndë me dashje”, kryer në bashkëpunim”./Dosja.al

sarande plagosje policia

Sondazh

Poll

MË SHUMË