Aktualitet

Automjeti ra nga ura në liqen! Policia arreston drejtuesin 32-vjeçar në Shkodër, pasagjeri dëgohet në Spitalin e Traumës

Sipas njoftimit zyrtar, mësohet se, drejtuesi i automjetit ka humbur kontrollin dhe si pasojë është përplasur me barrierat metalike të urës së Spatharit dhe ka rënë në liqenin e Vaut të Dejës.

29 Janar 2026, 09:58 Nga D.S
Automjeti ra nga ura në liqen! Policia arreston drejtuesin 32-vjeçar
Foto nga vendgjarja

SHKODËR- Policia e Shkodrës ka arrestuar drejtuesin 32-vjeçar të automjetit që doli nga rruga dhe ra nga ura në liqen në aksin Mjedë-Spathar. Sipas njoftimit zyrtar, mësohet se, drejtuesi i automjetit ka humbur kontrollin dhe si pasojë është përplasur me barrierat metalike të urës së Spatharit dhe ka rënë në liqenin e Vaut të Dejës.

Uniformat blu bëjnë me dije se, drejtuesi i automjetit dhe pasagjeri, shtetasi N. Ç., 24 vjeç, banues në Laç, po marrin mjekim në Spitalin Rajonal Shkodër, ndërsa pasagjeri tjetër, shtetasi A. N., 22 vjeç, banues në Laç, u dërgua për mjekim të specializuar në Spitalin e Traumës.

NJOFTIMI I POLICISË: 

"Drejtoria Vendore e Policisë Shkodër/ Në vijim të informacionit paraprak të dhënë dje, për aksidentin e ndodhur në aksin rrugor “Mjedë-Spathar”, informojmë se specialistët e qarkullimit rrugor arrestuan në flagrancë shtetasin Z. B., 32 vjeç, pasi duke drejtuar automjetin, ka humbur kontrollin dhe si pasojë automjeti është përplasur me barrierat metalike të urës së Spatharit dhe ka rënë në liqenin e Vaut të Dejës.
Drejtuesi i automjetit dhe pasagjeri, shtetasi N. Ç., 24 vjeç, banues në Laç, po marrin mjekim në Spitalin Rajonal Shkodër, ndërsa pasagjeri tjetër, shtetasi A. N., 22 vjeç, banues në Laç, u dërgua për mjekim të specializuar në Spitalin e Traumës."/Dosja.al 

aksident ne aksin mjede-spathar shkoder vau i dejes

Sondazh

Poll

MË SHUMË