Politike

Nuk mund të pretendohet për konflikt kompetencash!/ Prokurori i Posaçëm për çështjen ‘Balluku’: Ndjekja penale dhe vlerësimi i masës së pezullimit janë kompetenca të SPAK dhe GJKKO

Gjatë fjalës së tij para Gjykatës Kushtetuese, Prençi tha se për të pasur konflikt kompetencash midis pushteteve duhet të plotësohen tre kritere ligjore.

22 Janar 2026, 13:15 Nga E.d
Nuk mund të pretendohet për konflikt kompetencash!/ Prokurori i
Foto ilustruse

TIRANË- Prokurori i SPAK, Dritan Prençi ka sqaruar se pse në rastin e pezullimit të Belinda Ballukut nuk ka konflikt kompetencash mes pushteteve. Gjatë fjalës së tij para Gjykatës Kushtetuese, Prençi tha se për të pasur konflikt kompetencash midis pushteteve duhet të plotësohen tre kritere ligjore.

Ai tha se mosmarrëveshja lind midis organeve të pushteteve të ndryshëm, mosmarrëveshja lidhet me organet që vendosin vullnetin e pushtetit të tyre dhe mosmarrëveshja ka të bëjë me përcaktimin e sferës së kompetencave.

Sipas tij, në rastin konkret këto kushte nuk plotësohen. Prençi u shpreh se SPAK vlerëson se kërkesa e kryeministrit për shfuqizimin e vendimeve të GJKKO për masën e sigurimit personal apo për interpretim, nuk lidhen me kontrollin kushtetues mbi ligje dhe nuk paraqet konflikt kompetencash mes pushteteve.

“Nuk mund të pretendohet për konflikt kompetencash. Për të pasur konflikt kompetencash midis pushteteve duhet të plotësohen tre kritere ligjore. Mosmarrëveshja lind midis organeve të pushteteve të ndryshëm, mosmarrëveshja lidhet me organet që vendosin vullnetin e pushtetit të tyre dhe Mosmarrëveshja ka të bëjë me përcaktimin e sferës së kompetencave. Në rastin konkret këto kushte nuk plotësohen.

SPAK vlerëson se kërkesa e kryeministrit për shfuqizimin e vendimeve të GJKKO për masën e sigurimit personal apo për interpretim të nenit 103 pika 3 nuk lidhen me kontrollin kushtetues mbi ligje, nuk paraqet konflikt kompetencash mes pushteteve.

Vlerësojmë se kërkuesi nuk mund të përdore këtë pretendim për të bllokuar hetimin penal ndaj ministrit, pasi ndjekja penale dhe vlerësimi i masës së pezullimit janë kompetenca të SPAK dhe GJKKO dhe nuk mund të cënohen nga ndërhyrja e pushtetit ekzekutiv”, tha prokurori Dritan Prençi./Dosja.al

dritan prençi gjykatës kushtetuese kompetenca

Sondazh

Poll

MË SHUMË