Politike

"Ajo ka vetëm një mision, përmbysjen e regjimit"/ Berisha: Një opozitë në narkodiktaturë nuk mund të qëndrojë si stoli e regjimit

 Gjatë një bashkëbisedimi me qytetarët në rrjetet sociale, Berisha u shpreh se nga vitet 2005-2013, Shqipëria ishte një vend demokratik, ku pluralizmi funksiononte, nuk kishte burgosje politike dhe ku zgjedhjet nuk ishin farsë.

3 Janar 2026, 12:44 Nga E.d
"Ajo ka vetëm një mision, përmbysjen e regjimit"/
Sali Berisha

TIRANË- Kreu i Partisë Demokratike, Sali Berisha ka deklaruar ditën e sotme se një opozitë në narkodiktaturë nuk mund të qëndrojë si stoli e regjimit. Gjatë një bashkëbisedimi me qytetarët në rrjetet sociale, Berisha u shpreh se nga vitet 2005-2013, Shqipëria ishte një vend demokratik, ku pluralizmi funksiononte, nuk kishte burgosje politike dhe ku zgjedhjet nuk ishin farsë. Sipas tij gjatë atyre viteve, zgjedhjet ishin të standardeve ndërkombëtare.

Kryedemokrati tha se sot Shqipëria është në një narkodiktaturë në të cilën, siç thonë 7 rezoluta ndërkombëtare, institucionet përdoren për të shtypur pluralizmin. Lideri i opozitës tha se opozita do të ngrihet dhe nuk do të ndalet deri në përmbysjen e këtij regjimi. Në fund, Berisha tha se ajo ka vetëm një mison i cili është përmbysja e regjimit.

"Pyetja është e drejtë, vetëm se do kërkoja mirëkuptimin tuaj me një ndryshim themelor midis 2005-2013 dhe këtyre viteve. 2005-2013, Shqipëria ishte një vend demokratik, ku pluralizmi funksiononte dhe nuk kishte burgosje politike, ku zgjedhjet nuk ishin farsë, por zgjedhjet u zhvilluan dhe në vitin 2009 edhe në 2013, zgjedhjet ishin të standardeve ndërkombëtare.

Kurse sot, Shqipëria është në një narkodiktaturë në të cilën, siç thonë 7 rezoluta ndërkombëtare, institucionet përdoren për të shtypur pluralizmin. Sigurisht që, ne do ngrihemi dhe po ngrihemi. Ne filluam betejën tonë dhe kjo betejë nuk ka të ndalur, ju siguroj që nuk ka të ndalur gjer në përmbysjen e këtij regjimi.

Kjo është betejë, të themi të vërtetën, për jetën ose vdekjen e opozitës së vërtetë.  Një opozitë në narko-diktaturë nuk mund të qëndrojë si stoli e regjimit. Ajo ka vetëm një mision, përmbysjen e regjimit, i cili nuk ikën me votë. E faktuan që nuk ikën me votë," tha Berisha./Dosja.al

sali berisha opozitë mision

Sondazh

Poll

MË SHUMË