Aktualitet

Emigrantët "dynden" në atdhe për festat e fundvitit, radhë kilometrike në Kakavijë! Pala greke punon vetëm me 2 sportele

Në pikën kufitare të Kakavijës, konkretisht në territorin grek, situata paraqitet e rënduar, me kolona të gjata automjetesh dhe autobusësh që shtrihen për kilometra të tëra.

20 Dhjetor 2025, 16:38 Nga M.L
Emigrantët "dynden" në atdhe për festat e fundvitit,
Fluksi i makinave

KAKAVIJË- Me afrimin e festave të fundvitit, fluksi i emigrantëve shqiptarë që kthehen nga Greqia drejt vendit është rritur ndjeshëm.

Në pikën kufitare të Kakavijës, konkretisht në territorin grek, situata paraqitet e rënduar, me kolona të gjata automjetesh dhe autobusësh që shtrihen për kilometra të tëra.

Mësohet se pritja nga sportelet greke deri në hyrjen në anën shqiptare arrin rreth 4 kilometra, ndërsa udhëtarët detyrohen të qëndrojnë në radhë deri në 3 orë për të kaluar kufirin.

Arsyeja kryesore e vonesave lidhet me funksionimin e vetëm dy sporteleve nga pala greke, të cilat nuk po arrijnë të përballojnë numrin e lartë të emigrantëve që po kthehen në Shqipëri për të festuar me familjet e tyre.

Sondazh

Poll

MË SHUMË