Politike

Berisha: Nuk ka pasur asnjë urdhër për të firmosur për Endri Shabanin. Kjo është e vërteta

Gjatë një bashkëbisedimi me qytetarët, Berisha u shpreh se firmosja e saj ka ardhur në kontekstin e klimës së krijuar nga bashkëpunimi për bashkinë e Tiranës.

14 Dhjetor 2025, 13:56 Nga E.d
Berisha: Nuk ka pasur asnjë urdhër për të firmosur për
Sali Berisha

TIRANË- Kreu i Partisë Demokratike, Sali Berisha ka deklaruar ditën e sotme se nuk ka pasur asnjë urdhër të PD-së për të firmosur për Endri Shabanin. Gjatë një bashkëbisedimi me qytetarët, Berisha u shpreh se firmosja e saj ka ardhur në kontekstin e klimës së krijuar nga bashkëpunimi për bashkinë e Tiranës.

Lideri i opozitës tha se firmat ishin një gabim dhe akt i nxituar, ndaj erdhi ndjesa publike. Në fund, ai tha se Rama e  përdori si pretekst për të mashtruar qytetarët.

"Kandidatura e Endri Shabanit nuk është firmosur me urdhër. Për këtë ju garantoj. Nuk ka patur një urdhër nga drejtues të PD-së që të firmosin. Firmosja e saj ka ardhur në kontekstin e klimës së krijuar nga bashkëpunimi për bashkinë e Tiranës. Pastaj, ka patur më shumë të interesuar, ka patur më pak të interesuar, ka patur që kanë refuzuar, të gjitha këto janë reale. Por asnjë urdhër nuk ka patur që të firmoset Endri Shabani.

Ndaj dhe kjo është e vërteta për të. Por edhe një herë Meri, firmat ishin gabim, akt i nxituar, ndaj dhe ndjesa publike. Kurse zgjedhja e tij nuk ka asnjë lidhje me firmat, sepse firmat ishin tërhequr. Sigurisht Edi Rama përdori si pretekst për të mashtruar qytetarët, por qytetarët duhet ta dinë se firmat ishin tërhequr po me firmë." tha Berisha./Dosja.al

sali berisha opozita firma

Sondazh

Poll

MË SHUMË