Aktualitet

"Pika ime e fortë është puna dhe integriteti!" Gara për drejtimin e SPAK, Gokaj: Pika e dobët, programet kompjuterike, kanë avancuar shumë

Gjatë prezantimit të tij, Gokaj vuri në dukje se mbi një dekadë përvojë si drejtues prokurorie në disa rrethe të vendit i ka mësuar rëndësinë e punës në ekip dhe domosdoshmërinë e pavarësisë profesionale.

11 Dhjetor 2025, 13:17 Nga M.L
"Pika ime e fortë është puna dhe integriteti!" Gara
Elvin Gokaj

TIRANA- Prokurori Elvin Gokaj, kandidat për drejtimin e SPAK, theksoi se në qendër të vizionit të tij qëndrojnë integriteti dhe mbështetja e plotë për prokurorët e strukturës. Gjatë prezantimit të tij, Gokaj vuri në dukje se mbi një dekadë përvojë si drejtues prokurorie në disa rrethe të vendit i ka mësuar rëndësinë e punës në ekip dhe domosdoshmërinë e pavarësisë profesionale.

Gokaj përmendi se cilësitë që e karakterizojnë më shumë janë përkushtimi në punë, integriteti dhe vlerësimi për njerëzit që kontribuojnë me ndershmëri. Ndërkohë, ai pranoi se njohuritë e tij në fushën e programeve kompjuterike nuk janë të avancuara, por shtoi se kjo sfidë është e kapërcyeshme falë mbështetjes së ekspertëve teknikë brenda institucionit.

Prokurori Elvin Gokaj: Drejtimi im do jetë vetvetja. Kam qenë mbi 10 vite drejtues në shumë rrethe të Shqipërisë. Unë do marr praktikat më të mira të kolegëve të mi paraardhës. Praktikat më të mira është puna në grup. Pavarësisht se struktura e posaçme ka 20 prokurorë, e vetmja gjë që mund të bëjë drejtuesi është që t’u rri në mbështetje prokurorëve. Nuk do ushtroj asnjë ndikim te prokurorët.

Pikat e mia të forta: puna, integriteti, mirënjohja ndaj njerëzve që punojnë dhe që derdhin djersën për këtë vend. Pika e dobët janë programet kompjuterike, të cilat kanë avancuar kohët e fundit, por me ndihmën e ekspertëve brenda strukturës do ta kalojmë këtë fazë.

elvin gokaj gara per keun e ri te spak mbledhja e klp

Sondazh

Poll

MË SHUMË