Aktualitet

Gara për kreun e SPAK! Musabelliu: Bashkëpunimi me ndërkombëtarët, prioritet! Nxitja e hetimeve financiare paralelisht me hetime penale në fokus

Gjatë prezantimit të platformës së saj nënvizoi nevojën për të forcuar bashkëpunimin ndërinstitucional dhe ndërkombëtar, si dhe për të rritur numrin e procedimeve të nisura, duke i kthyer hetimet proaktive në një mjet për të goditur krimin që në fazat e hershme.

11 Dhjetor 2025, 11:52 Nga M.L
Gara për kreun e SPAK! Musabelliu: Bashkëpunimi me
Doloreza Musabelliu

TIRANA- Kandidatja për kreun e SPAK, Doloreza Musabelliu theksoi rëndësinë e menaxhimit efektiv të burimeve njerëzore brenda institucionit dhe mbështetjen e përdorimit të teknikave speciale të hetimit. Gjatë prezantimit të platformës së saj nënvizoi nevojën për të forcuar bashkëpunimin ndërinstitucional dhe ndërkombëtar, si dhe për të rritur numrin e procedimeve të nisura, duke i kthyer hetimet proaktive në një mjet për të goditur krimin që në fazat e hershme.

Musabelliu theksoi gjithashtu rëndësinë e hetimeve financiare që zhvillohen paralelisht me ato penale, për të goditur jo vetëm autorët, por edhe bazën e veprës kriminale.

Një tjetër prioritet i saj është intensifikimi i gjurmimit të produkteve të veprës penale dhe garantimi i mbrojtjes së të drejtave të njeriut, që sipas saj përbën një nga shtyllat kryesore të funksionimit të SPAK.

“Prokuroria e Posaçme do të vijojë bashkëpunimin ndërinstitucional dhe ndërkombëtar që do të përmirësohet vazhdimisht duke garantuar hetime cilësore. Rritja e numrit të procedimeve të nisura kryesisht është një tjetër pikë e rëndësishme. Hetimet proaktive e kthejnë institucionin aktor aktiv që godet nga fazat e hershme.

Qëllimi do të jetë identifikimi në kohë i fenomeneve me potencial risku. Në fokusin tim do të jetë nxitja e hetimeve financiare që të kryhen paralelisht së bashku me hetime penale. Kjo qasje siguron jo vetëm ndëshkimin penal por edhe goditjen e bazës. Shtimi i rasteve të gjurmimit të produkteve të veprës penale, duhet t’i kushtojmë më shumë vëmendje.

Do mbështes përdorimin e teknikave speciale të hetimit. Garantimi i mbrojtjes së të drejtave të njeriut është një nga shtyllat kryesore…Mbrojtja e të drejtave të njeriut është treguar i nivelit të lartë të institucionit”, tha ajo./ Dosja.al

Sondazh

Poll