TIRANË– Kryeministri i Kosovës Albin Kurti ka reaguar pas vizitës së parë që pati në Shëipëri si kryeministër dhe takimeve që zhvilloi në vendin tonë. Në një status në profilin e tij në Facebook, Kurti falenderon Ramën për mikpritjen, shprehet optimist për gjërat e reja që e presin Kosovën dhe Shqipërinë. Kurti nuk harron të përmendë edhe takimin me Presidentin Ilir Meta, kryetarin e Kuvendit Gramoz ruçi dhe kryedemokratin Lulzim Basha, për të cilët shkruan se i ka falenderuar për urimet dhe u është shprehur se ka nevojë edhe për ndihmën e tyre.
“Ishte vizita e parë si kryeministër jashtë Republikës së Kosovës, por nuk ishte politikë e jashtme. Ishte ceremoniale, por nuk ishte thjesht simbolike. Dy republikat tona nuk e kanë luksin ta shohin njëra-tjetrën me syzet e diplomacisë. E falënderoj kryeministrin e Shqipërisë, Edi Ramën, për pritjen shtetërore e për diskutimin konstruktiv që patëm. Prej takimeve institucionale e marrëveshjeve mes Kosovës e Shqipërisë, jam i sigurt se shumë shpejt do të burojë një intensitet i ri bashkëpunimi ekonomik e arsimor, prandaj sot më shoqëruan në takim ministri i Financave, Besnik Bislimi, dhe ministrja e Arsimit, Hykmete Bajrami. Këto janë fusha ku afrimi i Shqipërisë me Kosovën nuk toleron asnjë vonesë e pengesë. U dakorduam të krijojmë komisionin ndërshtetëror i cili i analizon ecurinë e 77 marrëveshjeve mes të dy vendeve tona dhe në fund të marsit, në Shkodër, kur të takohen dy Qeveritë tona të trajtojmë ecurinë e punës së deritashme e të përcaktojmë punën e re që duhet të bëjmë. Takime të përzemërta e vëllazërore patëm edhe me presidentin, Ilir Metën, kryetarin e Kuvendit, Gramoz Ruçin dhe kryetarin e Partisë Demokratike, Lulzim Bashën, të cilët më përcollën urime për detyrën e re, e unë u shpreha nevojën për ndihmë e mbështetje. Shqipëria është e gatshme të kontribuojë për Kosovën, e Kosova është plot entuziazëm për një bashkëpunim të tillë. Për çështjet e rëndësisë kombëtare na duhet të flasim njëzëri. Dekada e tretë e shekullit XXI duhet të sjellë një fillim të fuqishëm, si asnjëherë më parë, të bashkëpunimit e bashkërendimit Kosovë-Shqipëri. Nuk mohoj arritjet e së shkuarës, por jemi larg asaj çka dëshiron populli ynë, larg asaj që është brenda mundësive tona reale. Dy vendet tona janë prioritet i njëra-tjetrës dhe nuk ka çështje që presin, në asnjë fushë,”- shkruan Kurti.
Albin Kurti ka zhvilluar takimin e tij të parë si kryeministër i Kosovës. Fillimisht ai ka takuar homologun e tij, Edi Ramën me të cilin ka mbajtur edhe një konferencë për shtyp. Të dy theksuan se do të punojnë për bashkëpunimin mes dy vendeve por u ndanë tek ideja e Shengenit të Ballkanit. Kurti i qëndroi statik “jo-së” së tij. Pas takimit me Ramën, Kurti i shkoi në zyrë edhe kryeparlamentarit Gramoz Ruçi, presidentit Ilir Meta dhe kryedemokratit Lulzim Basha. E papritura ishte anulimi i takimit me kryebashkiakun e Tiranës, Erion Veliaj për të cilin kreu i qeverisë së Kosovës u justifikua me axhedën e ngjeshur.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Kryetari i Partisë Demokratike, Lulzim Basha ka reaguar për 100 vjetorin e Tiranës kryeqytet. Përmes një postimi në Facebook, Basha shprehet ...
TIRANË- Delegacioni i Komisionit të Venecias ka nisur takimet në ditën e dytë që ndodhen në Shqipëri, ku u takuan me aktorët politikë dhe jo vetëm, për lig...
TIRANË- Pas përfundimit të takimit me me përfaqësuesit e Komisionit të Venecias,Vokshi deklaroi se Rama miraton ligje antikushtetuese dhe antieuropiane, se...
TIRANË– Kryeministri Edi Rama ka treguar se si është përballuar me një ndërtues në kohën kur ishte në krye të Bashkisë së Tiranës. I pranishëm në ceremonin...
TIRANË- Ish-kryediplomatja e Shqipërisë, Arta Dade është e bindur se Kryeministri i vendit jo vetëm nuk ka eksperiencë në fushën e diplomacisë, por as nuk ...
TIRANË– Kryeministri Edi Rama ka treguar një histori me një personazh VIP ndërkombëtar i cili nuk kishte pranuar të dilte nga salla e pritjes në rinas nëse...
TIRANË– Presidenti i vendit Ilir Meta ka uruar 100-vjetorin e Tiranës kryeqytet në ambientet e Teatrit Kombëtar, në veprimtarinë e “Tirana – Një shekull kr...
TIRANË– Viti 2020 shënon 100-vjetorin e shpalljes së Tiranës si kryeqyteti i Shqipërisë. Në Pallatin e Brigadave është zhvilluar sot ceremonia e 100-vjetor...
TIRANË- Ambasadori i Kosovës në Shqipëri, Nait Hasani ka reaguar pas anulimit të takimit mes Albin Kurtit dhe Erion Veliajt. Në një reagim për mediat në K...
TIRANË- Presidenti Ilir Meta iu bashkua mesazhit të shumë studentëve, pedagogëve e mësuesve kundër fenomenit të shpopullimit që të mos braktiset Shqipëria....