Aktualitet

Qëlloi me armë zjarri të riun, shpallet në kërkim 32-vjeçari në Bulqizë

Ai është shpallur në kërkim nga forcat blu, pasi ka qëlluar me armë zjarri një tjetër 32-vjeçar.

14 Nëntor 2025, 12:31 Nga E.d
Qëlloi me armë zjarri të riun, shpallet në kërkim
Foto ilustruse

DIBËR- Policia ka shpallur në kërkim një 32-vjeçar në Bulqizë. Ai është shpallur në kërkim nga forcat blu, pasi ka qëlluar me armë zjarri një tjetër 32-vjeçar. Ai është plagosur në këmbë, ndërsa ndodhet në spital jashtë rrezikut për jetën.

Autori i dyshuar akuzohet për veprat penale “Vrasja e mbetur në tentativë” dhe “Mbajtja pa leje dhe prodhimi i armëve, armëve shpërthyese dhe i municionit”. Motivet e ngjarjes nuk dihen ende, ndërsa policia po heton më shumë mbi rastin.

Njoftimi i polisisë

Specialistët e Policisë së Dibrës nën drejtimin e Prokurorisë kanë identifikuar dhe shpallur në kërkim një 32-vjeçar, i dyshuar për tentativë vrasjeje me armë zjarri në qytetin e Bulqizës. Ngjarja ndodhi mbrëmjen e djeshme, kur shtetasi A. T., 32 vjeç, u qëllua në këmbë dhe u plagos, duke u dërguar menjëherë në spital, jashtë rrezikut për jetën. Hetimet e kryera nga specialistët për Hetimin e Krimeve të Rënda dhe Komisariati i Bulqizës zbuluan se shkak i incidentit ishte një konflikt i mëparshëm mes palëve.

Autori i dyshuar, H. B., 32 vjeç, banues në Bulqizë, akuzohet për veprat penale “Vrasja e mbetur në tentativë” dhe “Mbajtja pa leje dhe prodhimi i armëve, armëve shpërthyese dhe i municionit”. Policia po vijon punën për lokalizimin dhe kapjen e autorit, ndërsa materialet procedurale janë referuar Prokurorisë për veprime të mëtejshme ligjore./Dosja.al

bulqiza plagosje policia

Sondazh

Poll

MË SHUMË