Politike

“PS alergjike ndaj Kuvendit”, Këlliçi: Skenar i parapërgatitur nga Balla, do gjejnë justifikim për të përjashtuar Berishën...

Ai shtoi se gjatë seancës mund të ndiqet një skenar i parapërgatitur nga kreu i grupit parlamentar socialist, Taulant Balla, i cili, sipas Këlliçit, mund të përdoret për të gjetur justifikime për përjashtimin e Sali Berishës nga Parlamenti pas tensioneve lidhur me deklaratat ndaj ambasadorit të BE-së në Shqipëri.

6 Nëntor 2025, 21:21 Nga M.L
“PS alergjike ndaj Kuvendit”, Këlliçi: Skenar i
Belind Këlliçi-Berisha

TIRANA- Deputeti i Partisë Demokratike, Belind Këlliçi, paralajmëroi se projektligji për Barazinë Gjinore pritet të kalojë pa debat dhe direkt në votim në Kuvend. Ai shtoi se gjatë seancës mund të ndiqet një skenar i parapërgatitur nga kreu i grupit parlamentar socialist, Taulant Balla, i cili, sipas Këlliçit, mund të përdoret për të gjetur justifikime për përjashtimin e Sali Berishës nga Parlamenti pas tensioneve lidhur me deklaratat ndaj ambasadorit të BE-së në Shqipëri.

"Vendimi është politik i PS-së, në vijim të asaj sjelljeje që kanë pasur në këto dy muaj, ku duan të kalojnë pa debat qoftë programin e qeverisë, qoftë çështjet e rëndësishme si ligji për barazinë gjinore, qoftë edhe çështjet që lidhen me aktet normative për ndërtimin. Tani që po flasim, është duke u zhvilluar një mbledhje farsë e PS-së. Janë njoftuar gjatë pushimit prej 30 minutash që të vijnë të gjithë deputetët e PS-së në seancë. Do të shihni një skenar të parapërgatitur nga Balla, ku do të kërkohet përjashtimi i Berishës apo i ndonjë deputeti të PD-së për fyerje të ambasadorit të BE-së, që në realitet nuk ka ndodhur. Ky është një inskenim i organizuar nga ministri Gogou dhe Balla.

Do të shikoni justifikime për ta kaluar seancën në votim. Projektligjet do të kalojnë në votim pasi të mblidhen deputetët e PS-së. E rëndësishme është se këtu ka dy palë të ndara: njëra për interesin e qytetarëve, që është opozita dhe PD-ja, që kërkon debat dhe transparencë; dhe tjetra, PS-ja, që ka alergji ndaj parlamentit dhe do të kalojë çdo projektligj, siç kaluan buxhetin vitin e kaluar në 4 minuta dhe programin në 20 minuta”, tha Këlliçi.

belind këlliçi sali berisha

Sondazh

Poll