Politike

Deklaratat e Berishës ndaj ambasadorit Gonzato! Spiropali: Tejet e indinjuar! Gjuha e urrejtjes e papranueshme, qeveria shqiptare distancohet nga qëndrime të tilla

Ajo shprehu indinjatën e saj dhe theksoi se Qeveria shqiptare dhe Ministria e Jashtme distancohen plotësisht nga qëndrime të tilla, duke mbështetur vlerat dhe respektin për institucionet evropiane.

6 Nëntor 2025, 20:47 Nga M.L

 

Deklaratat e Berishës ndaj ambasadorit Gonzato! Spiropali: Tejet e
Spiropali

TIRANA- Ministrja për Europën dhe Punët e Jashtme, Elisa Spiropali, ka reaguar sot përmes rrjetit “X” lidhur me deklaratat e ish-kryeministrit Sali Berisha ndaj ambasadorit të BE-së, Silvio Gonzato. Ajo shprehu indinjatën e saj dhe theksoi se Qeveria shqiptare dhe Ministria e Jashtme distancohen plotësisht nga qëndrime të tilla, duke mbështetur vlerat dhe respektin për institucionet evropiane.

“Tejet e indinjuar nga sulmi i paprecedentë ndaj Ambasadorit të BE-së dhe ndaj vlerave të BE-së në Parlament ditën e sotme. Normalizimi i gjuhës së urrejtjes në diskursin politik dhe shtrembërimi i qëllimshëm i fakteve në lidhje me Ligjin jetik për Barazinë Gjinore është krejtësisht i papranueshëm. Qeveria Shqiptare dhe Ministria për Europën dhe Punët e Jashtme distancohen plotësisht nga retorika dhe qëndrime të tilla. Sot, është rasti të përsërisim edhe një herë me zë të lartë se Shqipëria qëndron e bashkuar me Europën. Ky spektakël i pahijshëm nuk do të na dekurajojë nga reformat jetike të integrimit, as nga angazhimi ynë thelbësor për të ngushtuar në ZERO hendekun e mundësive për gratë dhe vajzat”, thuhet në reagimin e saj.

elisa spiropali

Sondazh

Poll