Politike

Qëndrimi i Edi Ramës dhe situata në Kuvend, reagon Gazment Bardhi: Ndjesa e munguar e kryeministrit për 50 milion euro të vjedhura

Në reagimin e tij, Bardhi ironizon me “ndjesat” që sipas tij Edi Rama duhet t’u kërkojë shqiptarëve për aferat korruptive dhe keqpërdorimet e pushtetit.

6 Nëntor 2025, 21:18 Nga DOSJA

Qëndrimi i Edi Ramës dhe situata në Kuvend, reagon Gazment

TIRANË- Kryetari i Grupit Parlamentar të Partisë Demokratike, Gazment Bardhi, ka reaguar përmes një statusi në Facebook lidhur me deklaratat e kryeministrit Edi Rama dhe situatën në Kuvend.

Në reagimin e tij, Bardhi ironizon me “ndjesat” që sipas tij Edi Rama duhet t’u kërkojë shqiptarëve për aferat korruptive dhe keqpërdorimet e pushtetit.

Postimi i plotë: 

NDJESA E MUNGUAR

“U kërkoj ndjesë shqiptarëve që vetëm me aferën e Tunelit të Llogarasë u mora nga xhepat e tyre 50 milionë euro.”
€di Rama

“U kërkoj ndjesë bizneseve shqiptare, europiane dhe amerikane që i lodh dhe u shpenzoj kohë e para me gara fiktive dhe të paracaktuara.”
€di Rama

“U kërkoj ndjesë shqiptarëve për avokatnë e të pandehurës B€linda”
€di Rama

Këtë ndjesë presin shqiptarët nga €di Rama, jo keqpërdorimin e Ambasadorit të BE-së për mbrojtje politike.

Sa për Partinë Demokratike, kjo as ka ndodhur, as do të ndodhë ndonjëherë. Ambasadori i BE-së, z. Silvio Gonzato, ka respektin dhe vlerësimin tonë të plotë

Ambasadori Gonzato nuk ka asnjë nevojë për asnjë mbrojtje, veçanërisht të përfaqësuesve të krimit të organizuar në Kuvend. Duke keqpërdorur dhe keqlexuar një deklaratë në përgjigje të interesit të medias mbi qëndrimin e Ambasadorit të BE, Edi Rama po tenton edhe njëherë, me shpifje dhe sajesa të sulmojë opozitën në Kuvend, ta përjashtojë, ta izolojë.

gazment bardhi edi rama

Sondazh

Poll

MË SHUMË