Politike

“E njoh Shqipërinë, procesi i zgjerimit është shumë angazhues”, Raportuesi për Shqipërinë në BE, Schieder: Ka ende shumë punë për të mbyllur kapitujt

Gjatë fjalës së tij në takimin e Komitetit Parlamentar Shqipëri-BE në Tiranë, Schieder tha se procesi i zgjerimit evropian është shumë angazhues dhe se komisioni Evropian e ka quajtur Shqipërinë një pararendëse të proceseve.

28 Tetor 2025, 18:14 Nga E.d
“E njoh Shqipërinë, procesi i zgjerimit është
Andreas Schieder

TIRANË- Andreas Schieder, Raportuesi i Përhershëm i Parlamentit Europian për Shqipërinë ka deklaruar se Shqipëria ka pasur shumë zhvillime ndër vite. Gjatë fjalës së tij në takimin e Komitetit Parlamentar Shqipëri-BE në Tiranë, Schieder tha se procesi i zgjerimit evropian është shumë angazhues dhe se komisioni Evropian e ka quajtur Shqipërinë një pararendëse të proceseve.

Andreas Schieder deklaroi se vendi ka ende shumë punë për të mbyllur kapitujt dhe se procesi i zgjerimit nuk ka të bëjë vetëm me kryeqytetet. Ai tha se ka të bëjë me legjislacionin e BE-së, politikat e huaja, luftën kundër korrupsionit, ekonominë, mjedisin, çështjet sociale, punën dhe standardet e jetesës.

“E njoh Shqipërinë prej një kohë shumë të gjatë dhe kam parë shumë zhvillime që kanë ndodhur në këtë vend dhe mendoj që është e rëndësishme veçanërisht kur flasim për procese që do na lidhin në të ardhmen, të vlerësojmë punën e bërë deri më tani. Madje edhe po të shkojmë përmes qytetit të Tiranës do të shohim thjesht qytetarët, por edhe standardin e jetesës, sa është zhvilluar vendi vetëm në disa vite.

Të shohim se procesi i zgjerimit nuk ka të bëjë vetëm me kryeqytetet, Tiranën apo Brukselin. Politika gjithmonë sjell shumë çështje për të diskutuar. Procesi i zgjerimit evropian është shumë angazhues. Komisioni Evropian e ka quajtur Shqipërinë një pararendëse e proceseve. Ka ende punë për të mbyllur kapitujt, por edhe atëherë nuk mbaron punë. Zbatimi tregon se çfarë kuptojnë qytetarët që Shqipëria të jetë pjesë e BE. Ka të bëjë me legjislacionin e BE-së, politikat e huaja, luftën kundër korrupsionit, ekonominë, mjedisin, çështjet sociale, punën dhe standardet e jetesës”, tha Schieder./Dosja.al 

andreas schieder shqipëri tiranë

Sondazh

Poll