Politike

Berisha: Dumanin nuk e heton kush sepse është mbi ligjet dhe Kushtetutën! Ai është vetëm direkt i varur nga Edi Rama

Gjatë një konference për mediat, Berisha u shpreh se Dumani është i varur nga Kryeministri Rama.

28 Tetor 2025, 13:35 Nga E.d
Berisha: Dumanin nuk e heton kush sepse është mbi ligjet dhe
Sali Berisha

TIRANË- Kreu i opozitës, Sali Berisha ka deklaruar sot se Kreun e SPAK, Altin Dumanin nuk e heton askush. Kjo pasi sipas tij,  Altin Dumani është mbi Kushtetutën dhe ligjin.

Gjatë një konference për mediat, Berisha u shpreh se Dumani është i varur nga Kryeministri Rama. Kryedemokrati tha se opozita ka depozituar një sërë kallëzimesh ndaj Dumanit, por sipas tij asnjëra nuk është marrë parasysh nga organet përgjegjëse. 

"Ne kemi dërguar edhe ndaj tij, sa për dijeni. Janë refuzuar. Nuk mund të hetohet ai. Ne kemi paraqitur akuza direkt ndaj tij, po nuk ka, ai është mbi ligjet, mbi Kushtetutën. A është vetëm direkt i varur nga Edi Rama. Por çdo njeri, po të kishte kompetencë, do të niste hetimin kryesisht se këtu janë elementë konkretë. Ai quhet Kreshnik Farruku, ekziston apo nuk ekziston. Është nga Manza apo nuk është nga Manza. Është arrestuar nga Gjykata e Durrësit apo nuk është arrestuar? Është marrë dosja e tij nga Skapi apo nuk është marrë? Ishte në Gjykatë të Lartë apo jo? Kjo është shumë e thjeshtë. Ky nuk është rasti më i vetëm, por është më i zbërthyeri se e kam ndjekur unë. Ja urdhëro ku del problemi i tij." tha Berisha./Dosja.al

sali berisha pd altin dumani

Sondazh

Poll